影片
更多
2018-03-03
193 浏览
自从有小朋友之后，两公婆都无咩拍拖，家下个女大个左少少，我地可以放心交佢俾工人姐姐，自己放工去行街兼撑枱脚Sweet Sweet!尖沙咀食店林立,见呢间西班牙餐厅好评唔错, 一于订位试下。 我地食饭时间去到, 都已经八成满座,咁呢间应该唔错㖞。餐厅布置好有格调同品味, 一边有吧枱, 好啱打工仔放工Happy Hour。另一边有餐枱,仲有D座位善用左餐厅的角落, 变左好似包厢咁, 下次俾我地呢D八婆仔去聚会讲是非一流呀,可以细声讲大声笑都唔怕被人偷听或嘈到其他客人 。而且餐厅灯光昏暗,音乐够澎湃,好有想当年两公婆去酒吧 Social 的感觉! 即刻成件事令到个人后生咗! （好多选择呀！）咁好气氛，梗系要点返杯Sangria 啦！老公要传统口味，我唔多饮酒，如果要饮，我会拣白酒，所以叫左杯白酒Sangria, 老公饮过话白酒口味甜甜地易入口，真系啱晒我！因为唔系成日食西班牙菜, 所以店员好有礼貌同我地讲解,最后由于我地心思思想试多D食物, 所以叫3个小食,1个主菜同1个甜品, 小食有焦糖无花果鹅肝酱脆米饼, 牛油果蟹肉卷配三文鱼子, 西班牙烤乳猪件配自家制酸椰菜,薯蓉。 主菜系黑松露野菌
尖沙咀食店林立,见呢间西班牙餐厅好评唔错, 一于订位试下。 我地食饭时间去到, 都已经八成满座,咁呢间应该唔错㖞。
餐厅布置好有格调同品味, 一边有吧枱, 好啱打工仔放工Happy Hour。另一边有餐枱,仲有D座位善用左餐厅的角落, 变左好似包厢咁, 下次俾我地呢D八婆仔去聚会讲是非一流呀,可以细声讲大声笑都唔怕被人偷听或嘈到其他客人 。而且餐厅灯光昏暗,音乐够澎湃,好有想当年两公婆去酒吧 Social 的感觉! 即刻成件事令到个人后生咗!
（好多选择呀！）
咁好气氛，梗系要点返杯Sangria 啦！老公要传统口味，我唔多饮酒，如果要饮，我会拣白酒，所以叫左杯白酒Sangria, 老公饮过话白酒口味甜甜地易入口，真系啱晒我！
因为唔系成日食西班牙菜, 所以店员好有礼貌同我地讲解,最后由于我地心思思想试多D食物, 所以叫3个小食,1个主菜同1个甜品, 小食有焦糖无花果鹅肝酱脆米饼, 牛油果蟹肉卷配三文鱼子, 西班牙烤乳猪件配自家制酸椰菜,薯蓉。 主菜系黑松露野菌意大利扁面, 甜品就要西班牙小油条配朱古力酱。
好欣赏小食的配搭同摆设, 未食已经攞晒分! 先试无花果鹅肝酱脆米饼,先食放系最上面的焦糖爆谷, 甜甜的焦糖味,再食到 配埋鹅肝酱的鹅油膻香味同无花果酱的酸酸甜甜, 将鹅肝酱浓郁的after taste淡化再换来清新的余香, 再配埋脆卜卜的米饼, 口感多层次同丰富, 爆谷同米饼前后呼应, 唔错唔错
跟住到我最期待的牛油果蟹肉卷配三文鱼子, 哗哗哗~ 用金薄包住牛油果蟹肉,够晒贵气!!! 店员话呢个金薄皮系份子料理黎,用金薄同海带一齐整出黎, 估唔到我人生第一次份子料理竟然会系呢度食到 , 食落真系够晒特别, 因为材料好新鲜, 我以为自己去左日本餐厅食!
然后到西班牙乳猪仔~! 果然系乳猪仔,皮薄又够香脆, 好似脆皮雪条层皮咁薄! 同港式乳猪较干身且硬的脆法唔同, 一流! 再食啖啖鲜嫰的乳猪肉, 火候啱啱好, 猪肉唔会太老同太㶶, 呢个小食用黎配啤酒一流,想即场嗌多一碟呀~~~
主菜黎到了，小食咁出色，主菜都唔会差，黑松露意粉质地弹牙，黑松露的味道够晒香，酱汁够丰富！
甜品方面，我地食店员推介的西班牙小油条，一碟有6条， 表面洒满砂糖，脆口又热辣辣，配埋黑朱古力酱，呢一刻我已经不敢去想脂肪是如何累积的了！ 食到呢度已经饱饱地，打包埋余下的4条，满足的返屋企了！
张贴
