Lex Coffee (已結業)

👭🏻继续西环探索，朋友话想试呢间好多人打卡嘅靓靓Café 「Lex Coffee」。店内位置同位置之间保有一定距离，加上高楼底，整体空间宽阔。另外嘅落地大玻璃门，更加营造到开扬嘅感觉。🦞龙虾意大利饭（$198）：摆盘造型几靓，店家预先将龙虾起肉，方便食客享用。龙虾肉质有弹性，都几新鲜。意大利饭方面，用返龙虾汁去熬煮，海鲜味道浓郁。饭质偏软身，每粒饭都好入味。🥩招牌安格斯高级肉眼牛扒（$218）：牛扒肉质较柔嫰，啖啖肉好满足！这样小编惊喜嘅系俾块牛扒遮住咗嘅薯角！原来佢哋先系主角！外皮极薄，轻轻咬落去「卟」开咗个外皮，入边软滑嘅薯蓉质地内心，吸收咗肉扒嘅油脂香味，配以最简单嘅黑椒海盐，全餐最满足最惊喜。🍰义式提拉米苏（$78）：小编个人几钟意呢份提拉米苏。首先佢嘅湿润比例系偏湿，入口温柔，但有保留到手指饼干与舌头接触嘅时候𠮶种实在感觉。其次，手指饼干充分吸收咗咖啡酒同埋兰姆酒嘅香气。加上好轻柔嘅香草味，作为饭后甜品完美！☺️整体而言：1. 店舖内有不少潮牌产品，座位空间都舒服同埋阔落，食品造型靓靓，相信吸引到唔少嘅朋友打卡。2. 小编特别偏爱薯角，及义式提拉米苏。喺海边散完步过嚟食件甜品都