YOLO (已結業)

今日约左女友系佢公司附近既一间西餐厅食晚饭－YOLO。YOLO指you only live once，门口既草墙系其中一个吸引我既地方，另外餐厅推出左二人套餐，啱晒我同女友。餐汤系南瓜汤，味道普普通通。- 小食拼盘拼盘有牛肉粒同炸软谷蟹，牛肉粒调味唔错，肉质唔会话太硬。至于炸软谷蟹好脆口，不过炸得耐左少少。旁边仲有沙律配黑醋，相当refreshing。- 焗纸包鱼配薯条纸包鱼能够锁住肉汁，鱼肉质本身比较结实，纸包入面仲加入其他蔬菜包括茜芹、萝卜等，为鱼加添蔬菜香气。不过整体味道有少少淡。- 照烧黄油鸡配薯条黄油鸡切开左六大件，鸡油完全逼晒出嚟，外皮香脆。另外薯条炸得好干身。食完之后觉得I will eat dinner in here more than once🤣，套餐几抵食，最后仲有柠檬特饮。