影片
更多
2009-11-16
7 浏览
16-11-2009是日「亦师亦友」, 但又「师多过友」的 V 约食 lunch, 带路嚟到呢间几隐世的法国 (?) 餐厅. Set lunch 一律 $110, 有 soup or salad, 一 main 及 coffee or tea, 想食甜品就加 $20:-汤系 tomato soup, 质地浓稠, 饮落劲(茄膏𠮶只)酸, 稍咸, 又带点 bolognese 汁的味道, 个人而言一般喜欢, 还是清一点的蔬菜汤较对胃口.跟汤的 bread basket 就反而唔错, 小法包烘/焗得外松脆内软熟, 可惜牛油无 soften 先奉上啦.V 食 Parma ham salad, 卖相不错, 唔知好唔好食?大家的主菜都拣了 braised lamb shank, 属 today's special... 羊膝烩得软熟, 唔会太干, 味道清香, 配上带点蕃茄味的 gravy (? 味道同 tomato soup 有 9 成相似 ), 好好食㖞 On the side 的亦唔马虎, 红萝卜软腍又甜, potato puree 唔腻又十分软滑, 好食. 份量劲大的一个主菜, 据吓
是日「亦师亦友」, 但又「师多过友」的 V 约食 lunch, 带路嚟到呢间几隐世的法国 (?) 餐厅. Set lunch 一律 $110, 有 soup or salad, 一 main 及 coffee or tea, 想食甜品就加 $20:-
汤系 tomato soup, 质地浓稠, 饮落劲(茄膏𠮶只)酸, 稍咸, 又带点 bolognese 汁的味道, 个人而言一般喜欢, 还是清一点的蔬菜汤较对胃口.
跟汤的 bread basket 就反而唔错, 小法包烘/焗得外松脆内软熟, 可惜牛油无 soften 先奉上啦.
V 食 Parma ham salad, 卖相不错, 唔知好唔好食?
大家的主菜都拣了 braised lamb shank, 属 today's special... 羊膝烩得软熟, 唔会太干, 味道清香, 配上带点蕃茄味的 gravy (? 味道同 tomato soup 有 9 成相似 ), 好好食㖞 On the side 的亦唔马虎, 红萝卜软腍又甜, potato puree 唔腻又十分软滑, 好食. 份量劲大的一个主菜, 据吓据吓食吓食吓, 结果系清了碟
咖啡就认真麻麻 -- 唔够香, coffee base 稀如水, 斋饮味道已觉得几淡, 落奶及糖后就直程成杯「疑似咖啡」咁味, 唔掂.
加 $20 的甜品就拣了 creme brulee (亦可选 praline cheesecake 及 blood orange sherbet), 呢个就叫不错 -- 下面 custard 极滑, 带 vanilla 香及蛋香, 不过面头层脆糖劲厚, 食落好硬㖞; 仲有旧士多啤梨, 几甜几清新, 唯一唔好系太大旧了, 影响了成个甜品的 presentation.
走时仲每人送了一小个 banana muffin (见图), 几松软湿润, 带点 cinnamon 香又食到粒粒 nut 的脆口粗糙质感, 几喜欢.
食物不错, 环境就十分好, 坐喺近 window 的 2 人台, 开扬舒服, 比起出面的车水马龙, 感觉十分「世外」呢 Waitress 们几有礼貌又 helpful, service 亦不错.
埋单每人约 $135, 张单由客气到爆的 V 埋了, 多谢晒 亦多谢妳帮我发掘多个不错的食 lunch 点, 我会再来的 -- 下次食 duck confit 定鹅肝 penne 好呢?
P.S. 是日无带相机, 睇住张 muffin 相顶住先啦...
张贴
