銀座神樂屋 (已結業)

相信听过银座神乐屋嘅朋友，都知道呢度最出名系食火锅自助放题😂但其实佢午市嘅set都好正，性价比好高👍👍👍 喺附近返工食lunch都系一个唔错嘅选择，有日式木系舒适嘅环境，而且仲有前菜主菜同甜品，实会食都好满足👍👍👍香浓滑鸡乌冬锅炙烧寿司定食有六种唔同嘅寿司（灸烧带子、带子、鳗鱼、三文鱼、灸烧三文鱼及吞拿鱼），都系一啲必食嘅寿司🍣 😆 冬天食咁多生冷嘢都唔惊因为仲有个锅乌冬😋 乌冬锅好足料，鸡肉好嫩滑，汤底清甜，又有好多菜，真系冇得弹😆 食完晒仲会有甜品，当日嘅甜品系牛奶软雪糕，好重牛奶味又香滑😋 为整个lunch set画上完美句号。佢其他定食份量都好足，好丰富一次过满足唔同嘅愿望～而且最特别系佢个白饭可以转做五目饭，好多料～营养丰富😆 就咁一个餐已经好满足，先有动力继续去返工🏃‍♂️