赤

营业中

休息中

今日难得黎开铜锣湾，约左个同学食中午，拣左系依间新开既居酒屋，中午时间人都几多，但胜在气氛都唔错。蒲烧鳗鱼饭定食，哗成条幔鱼甘上！成碗饭睇落超有食欲！中午set 包左炖蛋及面豉汤，前菜，好丰富。最紧要既幔鱼肉系我中意既质感，腍腍地，而幔鱼皮有少许焦香既味道，配埋只汁甜甜地食落真系一流！滑蛋吉列猪扒饭定食，份量好大！d 蛋多到满出黎！蛋都算仲系好滑既，而味道都好够，一啖饭一啖蛋甘食认真正。主角炸猪扒都唔错，猪扒估唔到都几厚，而炸浆唔算太重身，即使有蛋汁，佢都依然keep 到小小脆既口感，唔错既。汁烧大葱鸡肉，柚子胡椒鸡肉，大葱猪腩叫左三串串烧，最中意系柚子胡椒鸡，柚子味几浓，而鸡肉烧到仲好有肉汁，师傅手势唔错。我更欣赏佢既配搭，清新得黎又好味。整体黎讲赤系好正既居酒屋，下次黎想试埋佢既刺身