咖啡廳

营业中

休息中

是日与公司同事午聚，之前食开既lunch buffet都系龙虾为主题，今次终于有我最期待既蟹脚和生蚝。呢个系红酒醋配生蚝，自问唔系对蚝好有认识，呢度既蚝蚝肉爽脆鲜味、无蚝壳碎，任你夹，完左一转好快又有一批放出黎，唔洗惊唔够食。柠檬新鲜大只多汁，试试cocktail sauce又如何。我都系比较中意配红酒醋汁，特别d，唔会盖过蚝味。每次黎到呢间我必定必定食既系日式冷面，呢度既冷面软硬适中，自己落紫菜同冷面汁。一定食几碗另外蟹脚方面十分回本，蟹脚长过只大碟，肉质唔会烂，唔会浸到咸晒。食到蟹肉甜味，枱面备有剪刀比你剪开蟹脚。刺身切得算系厚肉、新鲜。烧菠萝同串烧都好多人拎。Pizza比想像中好，热辣辣脆脆地。有个烧牛肉都好好味，每次都会比两片你，个人中意点烧汁。呢间既粉面档入面有好出名好食既云吞，必试。食完云吞，食番碗菜。呢度有高级雪糕movenpick, 我每次都想食晒咁多种味，每次都要求要迷你球，咁就可以只只都试到又唔会浪费。D cake仔所有系朱古力味既都好好味。葡挞好似好普通咁，但原来系热辣辣脆卜卜，推介。