Hooray Bar & Restaurant (已結業)

今日番summer intern最后一日，老板请我同埋同事去Hooray食lunch farewell我 ，So surprised! 前几次嚟Hooray都系夜晚同friend饮野，今日第一次试佢嘅set lunch menu ，估唔到真系唔错架㖞!见今日天气都好，侍应安排左张室内嘅台比我地，落地玻璃引入自然光，又有海景睇，坐得几舒服。  我叫左杯荔枝旋风用料嘅配搭几特别，几清新但少少偏甜。是日餐汤系义大利菜汤，一般西餐厅水准，唔会太咸。 我地三个人分别叫左鸭胸肉意大利饭，牛肉汉堡，同烧羊架 share。意大利饭无平时𠮶啲咁腻，我唔系特别钟意食太腻嘅芝士味，所以觉得配豌豆汁味道几好。啲饭嘅口感偏腍，对食唔惯正宗半生熟意大利饭嘅我嚟讲啱啱好。 鸭胸肉就不过不失，加左黑醋汁酸酸甜甜好开胃。 平时意大利饭太腻会食唔哂，要同人share，今次竟然食得完！ 牛肉汉堡卖相吸引，块扒好有香安格斯牛肉味，外层煎得脆，咬落多汁，$88有靓牛肉，真心抵食。啲薯条好脆，个个都争住食！系新鲜炸唔系求其整翻热，应该有double/triple-fried先会咁脆。