影片
更多
2015-01-11
3345 浏览
咪误会以为麦记搞起自助餐嚟，此麦跟彼麦不同。今次跟老婆嘅朋友行山，地域更喺少行嘅港岛区，而路线仲喺第一次行嘅宝云道，再接坚尼地道行去中环，饱览湾仔、金钟、中环一带景色，加上清风送爽，心情自不然开朗。如果行过嘅朋友都知，依段路好湿碎，所以行得超轻松，而最终目的地其实喺去香港圣约翰救护机构总部嘅「麦当劳道贰号咖啡厅」食晏。餐厅设晌七楼，其实亦喺酒店嘅大堂，因为圣约翰总部除有各项会员服务、救伤课程训练，亦喺附设酒店住宿，就好似尖沙咀YMCA、佐敦童军总会咁。虽然贵为酒店内嘅西餐厅，但贯彻番非牟利机构嘅作风，餐厅内无咩豪装，而且格局都较为旧派，或者讲喺旧式嘅西餐厅咁款。不过，环境却有啲卖点，尤其晌阳光普照嘅下午，一边落地玻璃窗对住香港植物公园，远眺中环，感觉悠然洋溢。刚巧餐厅都加上圣诞布置，我哋就顺便当喺提前庆祝！食晏时段，依度主要都喺做半自助午餐，包任食嘅餐汤、面包、前菜、甜品，少少热盘及炸物小食，另加一杯餐饮，成人收$155 +10%，小童就收$98 +10%。先介绍吓有咩食物，再分享个味道，因为，食物种类及款式唔多，一眼睇晒，故此，逐样放相都可以。餐汤、面包、沙律、冷盘、小食，一张细长枱
餐厅设晌七楼，其实亦喺酒店嘅大堂，因为圣约翰总部除有各项会员服务、救伤课程训练，亦喺附设酒店住宿，就好似尖沙咀YMCA、佐敦童军总会咁。
虽然贵为酒店内嘅西餐厅，但贯彻番非牟利机构嘅作风，餐厅内无咩豪装，而且格局都较为旧派，或者讲喺旧式嘅西餐厅咁款。不过，环境却有啲卖点，尤其晌阳光普照嘅下午，一边落地玻璃窗对住香港植物公园，远眺中环，感觉悠然洋溢。刚巧餐厅都加上圣诞布置，我哋就顺便当喺提前庆祝！
食晏时段，依度主要都喺做半自助午餐，包任食嘅餐汤、面包、前菜、甜品，少少热盘及炸物小食，另加一杯餐饮，成人收$155 +10%，小童就收$98 +10%。先介绍吓有咩食物，再分享个味道，因为，食物种类及款式唔多，一眼睇晒，故此，逐样放相都可以。
餐汤、面包、沙律、冷盘、小食，一张细长枱就摆晒。沙律除有凯旋沙律，仲有几款预制好嘅沙律：吞拿鱼红腰豆沙律、杂果沙律、泰式沙律，以及一盆沙律菜、多款配料、两款酱汁；冷盘有两款冻切肉肠及三文鱼鱼生，而小食喺啲炸洋葱圈、春卷之类。
头盘一虽然喺半自助餐，但都当个套餐嚟食，由自己砌碟头盘出嚟开开胃先。沙律菜淋啲油醋，加多几样制好嘅沙律，糁啲烟肉碎及芝士粉，放片莎乐美及鸡肉辣肠。虽然沙律吧个阵容唔喺好鼎盛，但简单作为一道头盘，都够杀架喇。其实啲沙律唔错，沙律菜够新鲜爽脆，个凯旋沙律捞得几好味，莎乐美肠唔会太咸，不过啲吞拿鱼红腰豆沙律就麻麻哋。
沙律
76 浏览
2 赞好
0 留言
平时食得肉多，所以，再嚟都喺想再食多碟沙律，但今次就配三文鱼，哗！啲三文鱼「厚」切到不得了，差唔多成吋厚，油脂唔喺好强，但仍算肥美嫩滑。
沙律
62 浏览
0 赞好
0 留言
餐汤其实有分中汤、西汤，前者放晌另一边热盘度，喺霸王花煲猪腱，老婆饮过话唔错；而小弟就拣后者香草鱼茸忌廉汤，配个小麦包，忌廉汤打得比较稀咗少少，还好喺汤味几香几鲜，又带有少少鱼茸碎。
餐汤．面包
63 浏览
1 赞好
0 留言
晌主菜嚟之前，再揾啲小食摄一摄，样样一件，又加啲沙律菜摆靓少少先。因为啲小食一早炸好晒放晌度，又无啲暖灯照住，虽然啲咖喱角、春卷都仲脆口，不过，唔喺热辣辣就无咁好食，而炸洋葱圈就直头腍晒。
小食
70 浏览
1 赞好
0 留言
珍宝热狗配薯条因为喺朋友所点，唔知味道如何，见佢个做法都好简单，生菜、蕃茄、鸡肉肠、芥辣，感觉好港式快餐店样，不过，就够晒大只，条肠概略至少8吋长。
忌廉汁蚬肉意粉小弟就拣意粉，钟意佢唔太大碟，可以一阵继续食其他嘢。意粉好有咬口，而且，挂满香滑嘅忌廉汁，而蚬肉都几鲜味，只喺作为主菜，卖相略为普通咗。
忌廉汁蚬肉意粉
86 浏览
1 赞好
0 留言
老婆点嘅豆腐，实为一道中式小炒，所以，跟一碗白饭，为免顶肚，白饭即时退回免浪费。个小炒唔错，肯定颇健康，少油少盐，颇清淡，豆腐又几滑，茨汁又啱啱好。
冬菇竹笙炆豆腐
104 浏览
3 赞好
0 留言
主菜过后，胃纳仍有唔少空间，所以，一堆热荤都有力样样试少少，可是话就少少，都砌咗成碟出嚟。全部热盘嘢晌晒度，包括：中式点心、秘制猪脚姜、炒时菜、炸鸡锤及菠萝咕噜肉，整体嚟讲，称唔上咩特色嘢，感觉依几样嘢都喺吸引外国人食，但味道平稳，以猪脚姜及炸鸡锤最好食。
热盘
67 浏览
1 赞好
0 留言
甜品前后两转试匀所有甜品，第一转嘅美国芝士饼几浓香芝士味，下面消化饼底又做得薄，件迷你香橙慕丝蛋糕确喺几酸香，不过，最好食喺件浓香朱古力蛋糕，因为以朱古力海绵衬朱古力慕丝，再加朱古力浆，超浓郁朱古力味，最具水准，其他嘅不过不失。
甜品
56 浏览
1 赞好
0 留言
甜品
65 浏览
3 赞好
0 留言
食甜品少不了一杯咖啡，半自助午餐包一杯餐饮，都喺例牌啡、茶、柠水之类，如想要杯鲜奶咖啡或意式泡沫咖啡，就抱歉未有供应。
生果虽然大家都食饱晒，都继续闲话家常，此时，最好趁收嘢前夹定啲生果慢慢食，反正，店员都唔会赶你走住，就算唔再食嘢，欣赏吓窗外景色都好吖。
整体而言，食物款色少喺个事实，而味道只属平稳，唔突出，但亦唔太差，仲要走到嚟半山，吸引力未必好大。要是晌附近行山，赏风景，对食物又唔喺抱太大要求，星期六、日花百零蚊嚟食个晏，散散心都喺可以。
张贴
