Shine (已結業)

几个月无见一班好姊妹，今次见面当然要好好食番餐啦! 系iSquare附近兜咗一圈，我地就发现太子集团中心里面，有间叫 Shine嘅高级西餐厅。唔知哪来嘅默契，大家都竟然一致话要去呢间餐厅，呵呵……一出，我地就见到百变颜色嘅招牌。时而红，时而蓝，时而紫 -- SHINE过不停转入水吧前，我地睇到一个相当值得大家打咭嘅地方♥♥「Come rain, Come Shine」 呢句口号，正正叫大家要撑住，即使天有不测之风云，但雨后总会天晴。7点半左右，店内已经坐满咗八成客人。当中唔少系年轻情侣，可见呢度系拍拖胜地之一。如果想饮番杯，当然直接坐吧台最方便啦！不过，我地几姊妹主要想吹水为主，拣个僻静嘅角落就比较好啦！讲咗咁耐，系时候要order啦！😝烤茄子佐炖焖蔬菜(素) $58点菜时，朋友提出想先食少少素食打底。咁追求健康，我地无理由唔撑佢呀！茄子烤到外脆内软，烩埋番茄，薯仔粒，成个素食非常丰富，味道岩岩好。烧安格斯肉眼扒(10 oz)配红酒烧汁 $308呢碟肉眼扒一上台，我地忍唔住「哇」咗一声 -- 因为块牛扒真系有两只半手掌咁大，足足10安士呀！7成熟嘅肉眼扒肉质鲜嫩，非常juicy。