小魚兒 (金馬大廈)

营业中

休息中

有时候两个麻甩佬，一齐去食饭，可以豪气一啲，比如碟𩠌可以大大盘，饮品可以大大份。辣度可以大大辣。咁先够过瘾。 🍖叫咗条烤鱼，系海鲈鱼嚟嘅，肉质结实，但亦都不乏滑嫩，唔会太多骨，啖啖肉，而且鳞片亦都批得好干净，所以好容易入口。叫咗大辣，就可以感受到越食越过瘾嘅滋味。开头食嘅时候，香料仲未完全渗入材料，梗系小儿科。呢个时候最啱食𠮶啲配菜，比如皇帝菜，木耳咁。去到后尾越嚟越入味，钟意食辣嘅人即系我就会大叫好玩，唔太受到嘅，最好一开始就唔举白旗要小辣。如果唔系，呢个时候另外嘅配菜，豆腐同埋菠萝就最可以帮到手。豆腐密度高，所以辣汁唔容易渗入，菠萝嘅香甜味就绝对系解辣嘅好帮手。 🍖当然提升到享受辣味嘅最好配搭就梗系啤酒啦。而我哋更加系叫咗啤酒塔，食咗一啖辣，饮翻一啖酒，成件事锯晒。 今晚我哋man足一晚！