MAZ Thai & BBQ (已結業)

湾仔兰杜街不经不觉已经变左条食街，好多形格餐厅在此起炉！！而这条街最新既应该系呢间泰菜Maz~~餐厅内低调形格怖置，暗淡柔柔灯光更带点个性味道！澳洲蓝青口~个汁底系左泰式风味极浓既香茅作为调味，顿时令普通既青口加分不少！优香既香茅真系同青口配合得几好，青口又鲜味无沙~size唔算大只但好鲜呢。生蚝拼盘~餐厅做紧promotion, $98就可以有6只生蚝杯酒！我就简左只香淳白酒配生蚝啦！蚝有2款~好似系南非同爱尔兰。味道都几清甜，蚝味不算重~但食得都出系新鲜货~配上泰式汁酱食有另一番风味。咖哩炒蟹~成大盆上台，炒蟹被密密麻麻既咖哩汁加d蛋花盖住！咖哩香而不辣。浓郁得黎好惹味！蟹肉几鲜甜亦不错，索哂d咖哩汁！最后叫左个芒果糯米饭~3小杯上台！卖相几好！芒果微酸带清甜~芒果味香浓，椰浆亦同糯米饭好夹！但糯米饭质感带点硬。影响了口感！但总括而言~全餐都系水准之上有余呢。