MAZ Thai & BBQ (已結業)

同妈妈去食泰国菜，拣咗一间系佢返工地方附近嘅餐厅，地舖，好早嚟到所以暂时冇咩人。首先拣咗一个我阿妈都唔识整嘅辣蟹，价钱比之前食嘅私房菜平少少。泰式古法炒辣蟹＄328选择了小辣，其实真系唔系太辣，表面有好多配料爆得好香，里面嘅蟹肉都大大件，绝对唔系水蟹，睇过蟹钳就知道咩事啦！个蟹壳里面都有啲蟹膏，唔系我杯茶，主要都系阿妈食，不过味道都OK。里面啲肉香香地有少少辣，鲜味足，食得好滋味，连正餐嚟到我哋都唔理，食晒先算洗面洗埋手。菠萝炒饭＄88之前食过原只菠萝炒饭，基本上食品名称没有「原只」两个字嘅时候一定唔会比一个菠萝你。所以上面有d切左既菠萝粒。里面有一啲虾仁，色泽炒得均匀，味道尚算丰富。特别系旁边有一些肉松碎和腰果，没有捞埋一齐炒绝对是明智选择，保留到原本有的松脆和爽口口感。炒金边粉＄82金边粉炒起比较干身，是因为汤粉不能选择所以才选择了炒粉，如果晚上也卖汤粉就好了！里面也是有一粒粒的虾仁和蛋丝。酸酸甜甜，增进食欲。除了加水不够主动之外，其他都不错了。