Picada (已結業)

上网见到有咁多好评所以约咗几个好耐冇见嘅朋友嚟试下，结果系失望而回。一早订咗7点，上到去人唔多，但系佢哋人手唔够所以都要排队等先有人带位。我哋被安排坐喺好暗嘅corner位，真系黑到连食物都睇唔到。其实间餐厅本身环境系偏暗但系真系有少少过分暗啰我哋个位。因为佢哋人手唔够我哋等咗好耐先至有人比menu，又等左好耐先至有人比水我哋。当晚都系七点啫，点知点餐𠮶阵店员就已经同我地讲冇晒guacamole!一心来谂住就系食佢哋呢个招牌，真系好失望呀！最后叫咗其他嘢，其实味道好麻麻，牛肉又硬，而且啲嘢食唔知系咪放咗好耐先攞俾我哋，所以都唔热嘅。总之就真系好失望唔知点解会有咁多好评价钱仲唔平嘅。咁嘅价钱大把嘢好食！