The Commune

营业中

休息中

几个月前第一次嚟食，当时因为冇主食，净系得面包小食，只系同朋友坐低倾吓偈。几个月后，朋友再订呢间餐厅，话而家有得食lunch，一齐返去试吓。嚟得呢度食，个个都钟意个海景，因为餐厅目测有八成以上嘅座位都系海景位。不过我哋都好欣赏食物嘅出品，同埋呢度嘅服务员。今次嚟试咗一个蟹意粉，一个厨师每日精选主菜Pan fried Fish。汤系一个椰菜花汤，套餐加少少钱就有埋甜品，见到好多人都赞过French Toast，我哋都点咗嚟试吓。个鱼系好厚身嘅barramundi，平时西餐厅会俾啲柠檬汁，呢度冇咁样做，反而用咗一篇咸柠檬同埋酸豆俾啲味落去，出乎意料效果好好 。蟹肉意粉就个人觉得偏甜咗少少，不过过海胆汁系香嘅。法式多士真系值得赞，切开入边全部都系蛋浆，而且好厚身，cinnamonSugar 很正（邪恶…）总结嚟讲，唔算系一个好平嘅午餐选择，但系食物质素同埋服务环境等配套加埋系值得同好友嚟好好享受嘅。