影片
更多
2014-09-22
12561 浏览
娘娘呢几日黎左香港旅行，百幸中抽到时间同我食餐饭见过面，作为一名老兵，当然要扭尽六壬，务求令娘娘有一餐愉快又难忘嘅晚饭回忆﹗娘娘平时系台湾都食惯好野，而台湾都不乏出色嘅西式日式餐厅，所以今晚就拣左相对娘娘系台湾小食嘅中菜啦﹗头盘系黑醋鱼干 (个名唔系好肯定，挂住听娘娘呻唔见左部电话，都唔记得听服务员介绍)，虽然只得两细条，但入口异常香脆，作为头盘相当唔错。头盘之一，亦系招牌菜之一，窝贴大虾多士，薄薄嘅多士，紧紧贴住厚厚嘅大虾，加埋甜甜酸酸嘅酱汁，呢个头盘系满分﹗最后嘅头盘，招牌菜之一，西班牙黑豚肉叉烧，有别于一般叉烧，极少肥膏，但口感有如肥叉般软绵，冇筋冇渣，微㶶带香口，引用 Peter Wong 名句，神奇，顶级，超卓。呢个娘娘好捧场，食左一半呀﹗花雕蛋白蒸蟹拑，大肉蟹拆出黎，睇 size 就知本身只蟹有几大只，蟹肉新鲜具弹性，唔似雪藏货霉霉烂烂 (收得咁贵仲要食雪货)，蛋白带蟹香而滑，唯一可惜系花雕味淡啲 (酒鬼！？)。龙轩东坡肉，苏杭名菜，食东坡肉最怕死咸死甜，呢度就啱啱好，要挑剔嘅话。。。肉本身瘦左啲，只有一层薄薄嘅肥膏，当然未去到柴头，不过食得东坡肉都唔会追求健康要走肥挂？松
头盘系黑醋鱼干 (个名唔系好肯定，挂住听娘娘呻唔见左部电话，都唔记得听服务员介绍)，虽然只得两细条，但入口异常香脆，作为头盘相当唔错。
头盘之一，亦系招牌菜之一，窝贴大虾多士，薄薄嘅多士，紧紧贴住厚厚嘅大虾，加埋甜甜酸酸嘅酱汁，呢个头盘系满分﹗
最后嘅头盘，招牌菜之一，西班牙黑豚肉叉烧，有别于一般叉烧，极少肥膏，但口感有如肥叉般软绵，冇筋冇渣，微㶶带香口，引用 Peter Wong 名句，神奇，顶级，超卓。呢个娘娘好捧场，食左一半呀﹗
花雕蛋白蒸蟹拑，大肉蟹拆出黎，睇 size 就知本身只蟹有几大只，蟹肉新鲜具弹性，唔似雪藏货霉霉烂烂 (收得咁贵仲要食雪货)，蛋白带蟹香而滑，唯一可惜系花雕味淡啲 (酒鬼！？)。
龙轩东坡肉，苏杭名菜，食东坡肉最怕死咸死甜，呢度就啱啱好，要挑剔嘅话。。。肉本身瘦左啲，只有一层薄薄嘅肥膏，当然未去到柴头，不过食得东坡肉都唔会追求健康要走肥挂？
松露翡翠竹笙卷，一定要有菜，松露嘅香味支配左竹笙卷，我自己就好钟意，不过娘娘好似一般麻，两件就冇再要。。。
硬野，鲍粒荷叶饭，卖相精致 (即系细啦？)，比珍珠鸡大小小，但材料丰富，每一啖都有鲍鱼粒，不错不错。
甜品，酥皮焦糖蛋挞仔，酥皮香味差啲啲，不过焦糖独特嘅香甜味又补返唔少分数。娘娘推荐，因为顶左两只。(唔好意思，张相炒左)
送嘅美点双辉 (个名我帮佢)，芝麻饼唔错，椰汁芋蓉糕就一般般。
题外话/补充资料：
娘娘好满意呢餐只，老兵我都好安慰。讲返间嘢，车胎人两星，价钱虽贵，但食物质素对得起价钱，而且服务员醒目快手，有机会可以试下﹗午市有点心，价钱相对便宜啲，希望有机会可以试完再同大家分享，多谢收看﹗
(以上食记乃用户个人意见 , 并不代表OpenRice之观点。)
张贴
