影片
更多
2015-04-24
4151 浏览
上个月中才到访过西环嘅Piccolo，估唔到咁快再嚟过，不过，就唔喺西环店喇，而喺就大家收工后过嚟湾仔店，好友小聚，再访「短笛」，又可以大叹薄饼滋味。环境四四正正，唔似西环店咁一字长形，但同样楼底高，无局促感，墙身挂有唔少意大利装饰，米黄衬啡，木椅配云石餐枱，一派意大利小餐馆气氛，写意闲舒。而餐厅尾嘅半开放厨房，只隔着一道玻璃，可以清楚睇到师傅搓薄饼，做沙律，特别吸引人多望两眼。上次简单啲，直接点几款是日精选就算，不过，友人话餐牌中都有唔少好嘢。经大家商量后，一道薄饼必然唔少得，前菜、意粉各样都拣番啲。等上菜期间，先点啲饮品解吓渴。友人拣嘅无酒精特饮，晌上次嘅食文都有分享过，不用再叙；小弟今次则试吓Piccolo Gunner（$28），色泽金黄，清爽冰凉，甜甜哋嘅梳打水。Fried Portobello $115炸龙葵菇依道前菜，喺今晚大家一致认为最惊喜嘅菜式，卖相唔算好好睇，但入口真喺有份惊喜感。成只手掌咁大嘅龙葵菇，以吉列方式脆炸，再淋上烧牛肉汁，咬落外层香脆十足，里面嘅龙葵菇软绵多汁，加上啲烧牛肉汁浓香惹味；而菇上仲放有鸡肉同烟肉，不过，鸡肉有啲嚡，单单只放烟肉碎已足够。Bee
环境四四正正，唔似西环店咁一字长形，但同样楼底高，无局促感，墙身挂有唔少意大利装饰，米黄衬啡，木椅配云石餐枱，一派意大利小餐馆气氛，写意闲舒。而餐厅尾嘅半开放厨房，只隔着一道玻璃，可以清楚睇到师傅搓薄饼，做沙律，特别吸引人多望两眼。
上次简单啲，直接点几款是日精选就算，不过，友人话餐牌中都有唔少好嘢。经大家商量后，一道薄饼必然唔少得，前菜、意粉各样都拣番啲。
等上菜期间，先点啲饮品解吓渴。友人拣嘅无酒精特饮，晌上次嘅食文都有分享过，不用再叙；小弟今次则试吓Piccolo Gunner（$28），色泽金黄，清爽冰凉，甜甜哋嘅梳打水。
Piccolo Gunner
$28
73 浏览
2 赞好
0 留言
炸龙葵菇依道前菜，喺今晚大家一致认为最惊喜嘅菜式，卖相唔算好好睇，但入口真喺有份惊喜感。成只手掌咁大嘅龙葵菇，以吉列方式脆炸，再淋上烧牛肉汁，咬落外层香脆十足，里面嘅龙葵菇软绵多汁，加上啲烧牛肉汁浓香惹味；而菇上仲放有鸡肉同烟肉，不过，鸡肉有啲嚡，单单只放烟肉碎已足够。
Fried Portobello
$115
70 浏览
1 赞好
0 留言
Beetroot & Rocket $80另一道前菜红菜头火箭菜沙律，无谂过啲火箭菜多成咁，其实啲红菜头好清甜，又有益；虽然啲火箭菜已加上茴香、油醋，但始终火箭菜味本苦涩，唔喺个个啱食。
Beetroot & Rocket
$80
33 浏览
0 赞好
0 留言
蜜糖烟肉薄饼喺是日嘅精选菜式，上次食文都提过，餐厅每日都会推出一啲精选菜式。以自家砌嘅砖炉烘焗，心理上都觉得唔同啲，薄饼以莫沙厘娜芝士（Mozzarella）垫底，铺上几片意大利烟肉（Pancetta），再涂上蜜糖，烘得金黄吸引。意大利烟肉较平时常食到嘅烟肉少肥，但不失油香，而蜜糖带出嘅甜味，跟火腿嘅咸，有种平衡感，好特别，不愧是日精选。
Pizza Bacon & Honey
$145
60 浏览
1 赞好
0 留言
Aglio Olio $120有时做菜，简单先见真章，依道香烤蒜蓉意粉其实真喺觉得有点贵，百几蚊一客，真喺「斋意粉」嚟，用料只有橄榄油同蒜蓉。意粉好有咬口，质感可谓一流，油润得嚟却无多余嘅剩油，啖啖都充满蒜香，但隐藏嘅辣劲却唔讲得少，入口真喺颇辣。
Aglio Olio
$120
55 浏览
1 赞好
0 留言
肉酱千层面略嫌表面放得太多芝士，一来焗出嚟卖卖无咁好睇，二来感觉太厚太腻；其实，个千层面本身做得不俗，肉酱充满蕃茄香，酸香鲜活，千层面柔韧适中。几位友人都觉得麻麻，又喺小弟出奉包底嘅时候！
Lasagna
$160
55 浏览
1 赞好
0 留言
Chef Cheryl’s Tiramisu $60
意大利芝士饼，以杯装形式，睇样平平无奇，食落质素真喺有番咁上下。芝士味轻嘅马卡风芝士部份打得幼细软滑，而手指饼沾满咖啡酒，口感湿润，味带香浓。
Chef Cheryl’s Tiramisu
$60
36 浏览
1 赞好
0 留言
Panna Cotta $60意式奶冻做晌新地杯中，加点士多啤梨及蓝莓点缀。奶冻挺身软滑，充满云喱拿及奶香，奶冻内清晰睇到云喱拿籽，可见用料不赖。
Panna Cotta
$60
30 浏览
1 赞好
0 留言
Piccolo嘅薄饼确喺有水准，不过，最惊喜喺一道大磨菇菜式「炸龙葵菇」，另外，意粉亦都做得上乘，所以，大家都食得好称心，最开心莫过于三五知己吹吓水，叹吓美食。
张贴
