影片
更多
2022-11-30
35 浏览
Mschichi-安慰心灵的海胆今日又系一个人食晚餐嘅日子，系去做facial之前，要揾间好味嘅慰劳下自己放松一下。喺芸芸咁多嘅餐厅之中，我拣咗呢间日本餐厅。上网睇食评如潮，平时都有好多人会排队食，适逢今日准时放工，所以去到都唔使排队就直接有得有得入去食。虽然佢个名叫做立字，佢嘅设计其实都跟随日本系站立嘅寿司餐厅，不过呢间寿司店都系有位坐嘅，佢暂时嘅设计就系一个人一个位。餐厅都系用QR code落单，我觉得佢嘅餐牌好好，因为好多相片都睇得好清楚，所以好方便我好快就拣到自己想食嘅单品。🌈特上北海道鱼生饭 $158北海道带子甜虾三文鱼海胆飞鱼子见到张图画都觉得好吸引，啲材料非常丰富，见到份量都十足。 不过食落口三文鱼甜虾带子就正常味道但系都好新鲜嘅。有惊喜嘅系两大嚿海胆有鲜味又有一𠝹𠝹的口感，飞鱼子咬落口会卜卜脆。日本饭都唔系白饭咁简单，佢系经过调味嘅饭，好有诚意。🌈 白子小食 $58白子最近都好兴，佢呢个小食$58虽然贵少少，不过都有三大片，同埋系经过处理嘅，我就觉得非常香非常惹味，下次可以带老公嚟再试多次。🌈 刺身盛合5点 $28 （ 立鮨五周年优惠） 适逢餐厅五周年佢哋有个超优惠嘅刺
今日又系一个人食晚餐嘅日子，系去做facial之前，要揾间好味嘅慰劳下自己放松一下。
喺芸芸咁多嘅餐厅之中，我拣咗呢间日本餐厅。上网睇食评如潮，平时都有好多人会排队食，适逢今日准时放工，所以去到都唔使排队就直接有得有得入去食。
虽然佢个名叫做立字，佢嘅设计其实都跟随日本系站立嘅寿司餐厅，不过呢间寿司店都系有位坐嘅，佢暂时嘅设计就系一个人一个位。
餐厅都系用QR code落单，我觉得佢嘅餐牌好好，因为好多相片都睇得好清楚，所以好方便我好快就拣到自己想食嘅单品。
🌈特上北海道鱼生饭 $158
北海道带子甜虾三文鱼海胆飞鱼子
见到张图画都觉得好吸引，啲材料非常丰富，见到份量都十足。 不过食落口三文鱼甜虾带子就正常味道但系都好新鲜嘅。有惊喜嘅系两大嚿海胆有鲜味又有一𠝹𠝹的口感，飞鱼子咬落口会卜卜脆。日本饭都唔系白饭咁简单，佢系经过调味嘅饭，好有诚意。
🌈 白子小食 $58
白子最近都好兴，佢呢个小食$58虽然贵少少，不过都有三大片，同埋系经过处理嘅，我就觉得非常香非常惹味，下次可以带老公嚟再试多次。
🌈 刺身盛合5点 $28 （ 立鮨五周年优惠）
适逢餐厅五周年佢哋有个超优惠嘅刺身拼盘， $28有五样嘢，唔叫都对唔住自己。不过可惜我太迟先见到依个优惠，如果唔系我就会叫其他款式嘅饭。因为同饭上面嘅款式都有重复。
佢分别有三文鱼带子甜虾同埋一个海胆杯
三文鱼带子就同饭一样新鲜嘅， 但系唔系好突出。甜虾因为有埋虾头款式， 所以比当饭嘅甜虾更加出色鲜味。值得一赞嘅系佢嘅海胆杯，海胆同饭一样都系超级鲜甜入味， 加上佢有好多三文鱼子粒粒下面。更加有木耳丝嘅陪衬好爽口。
呢间餐厅仲有超级抵食嘅omakasa $380 ，不过上网睇好多人都话自选寿司更加抵食，依间餐厅有心思得来价钱亲民，下次可以一试再试，甚至试晒佢全个Menu我谂都冇问题 ❤️🫶🏻 下次见
#dessert #comfortfood #foodlover #hkfood
#hkfoodie #foodie #foodiehk #hkfoodies
#hkfoodblogger #hkblogger #hongkongfood
#相机食先 #香港美食
#Mschichikitchen #港妻厨房
#mschichi_尖沙咀
张贴
