Café&Meal MUJI (已結業)

今日去咗利舞台广场呢头行街，行到咁上下嘅时候忽然又想食下午茶，就去咗3楼呢一间muji cafe食个下午茶！餐厅装修以木系为主，坐位亦都算好坐 下午茶时段可以直接入座，唔使等！比较推荐有佢嘅比目鱼，比目鱼嘅肉质非常滑，配埋佢嘅调味非常好食，比目鱼亦都做到唔会好腥既口感，配上五谷饭食嘅时候非常夹！麻酱菠菜都非常好食！新鲜嘅菠菜配上麻酱，口感非常爽，麻章极度将本身菠菜嘅味道提升 最后饮埋佢嘅面豉汤，亦都唔会太咸，仲有好多配菜喺入边，例如菠菜豆腐红萝卜 下午茶黎讲非常满足