My Burger (東廣場)

营业中

休息中

之前系东广场揾食已经成日见到 My Burger 好多人食，加上好耐冇同朋友食Burger，所以今晚决定食 My Burger 啦。My Burger 有不同款式的包，唔想食包都仲有All day breakfast，价钱尚算合理。磨菇牛堡 - 用料充足新鲜，磨菇加上牛的口感一流，加上个包都好软熟，值得一试。牙买加辣鸡汉堡 - 虽然鸡肉有少少太熟，但肉质都算滑，加上牙买加香辣香料绝对够惹味。唔记得影薯条，但都影左个洋葱圈。洋葱圈味道唔错，但个人较钟意跟返薯条多D。黑醋粟果茶 - 因为唔想饮汽水，所以同朋友都想试下饮茶，味道唔会太甜，而且可以添饮，算系唔错啦。洛神甜梅茶 - 最初以为D杯茶会系甜，但原来都系偏酸，个味其实同黑醋粟果茶差不多。整体而言，虽然唔算特别平，但Burger 质素唔错。餐厅唔适宜坐好耐倾计咁，但食物都系值得一试的。