影片
更多
2018-05-01
1147 浏览
呢间位于湾仔厦门街嘅The Spice House，系我最钟意嘅泰国餐厅，钟意佢地道又抵食。平时多数夜晚嚟帮衬，今日午饭前有嘢做嚟到湾仔，就顺便嚟填肚。今日先知原来呢度有午市套餐，就平平地叫左冬荫功汤河（$60），青咖哩猪饭（$65），唔使加一，算系合理。要知道湾仔呢一带午饭时候想揾啲好啲嘅食肆，都起码$60蚊。好快就端左杯龙眼茶嚟。呢度嘅龙眼茶平时要$20，套餐包埋好着数。比想像中有啲甜，啲冰融埋就差唔多。普普通通嘅冬阴公，就最可以试到一间泰国餐厅嘅水准。饮落先鲜甜后辣，香茅罗勒味重，越饮越上瘾。香叶柠檬叶罗勒香茅虾碎，都可以喺碗汤度揾到，所以点解个汤咁好味就系咁解。虾🦐唔算好新鲜，但系都有咬口。一碗有四粒鱼蛋，落足料而且鲜味弹牙。可以挑剔嘅系，如果有其他配料可以拣就更好。泰式青咖喱就不嬲都会叫嘅，钟意佢地道又足料。虽然望落可能普普通通，里面其实除咗上面提及过嘅香料，仲有香菇红椒茄子🍆翠玉瓜，而且食得出佢哋系先炒过，然后先放落咖哩度，又香又入味。猪肉片虽然卖相一般，食落亦都讲唔上系嫩，不过猪味真系好浓，配上咖喱汁，绝对系锦上添花。另外，咖喱汁一啲都唔孤寒，足够𩠌晒成碗饭。提提唔系太食
今日先知原来呢度有午市套餐，就平平地叫左冬荫功汤河（$60），青咖哩猪饭（$65），唔使加一，算系合理。要知道湾仔呢一带午饭时候想揾啲好啲嘅食肆，都起码$60蚊。
好快就端左杯龙眼茶嚟。呢度嘅龙眼茶平时要$20，套餐包埋好着数。比想像中有啲甜，啲冰融埋就差唔多。
普普通通嘅冬阴公，就最可以试到一间泰国餐厅嘅水准。饮落先鲜甜后辣，香茅罗勒味重，越饮越上瘾。香叶柠檬叶罗勒香茅虾碎，都可以喺碗汤度揾到，所以点解个汤咁好味就系咁解。虾🦐唔算好新鲜，但系都有咬口。一碗有四粒鱼蛋，落足料而且鲜味弹牙。可以挑剔嘅系，如果有其他配料可以拣就更好。
泰式青咖喱就不嬲都会叫嘅，钟意佢地道又足料。虽然望落可能普普通通，里面其实除咗上面提及过嘅香料，仲有香菇红椒茄子🍆翠玉瓜，而且食得出佢哋系先炒过，然后先放落咖哩度，又香又入味。猪肉片虽然卖相一般，食落亦都讲唔上系嫩，不过猪味真系好浓，配上咖喱汁，绝对系锦上添花。另外，咖喱汁一啲都唔孤寒，足够𩠌晒成碗饭。
提提唔系太食得辣嘅朋友，可能会觉得呢度嘅菜式都偏辣。
张贴
