影片
更多
2014-08-09
2326 浏览
几个月前先曾经到嚟Naked Gurume Gyarari出席试食活动，印象不俗，西日混和菜，日本食材配合西式煮法，西式食材添加日本味道，当晚嘅味道仍有种历历在目嘅感觉。这晚，适逢老友转咗新工，晌上环𠮶边返工，就相约晌度食番餐当道贺，跟老友食饭喺一件开心事，边谈边食，先祝愿老友新工工作顺利，前途更上一层楼。餐厅位于伊利近街嘅楼上铺，门口亦开得唔算显眼，不过，楼梯、走廊一巷黑与白，既隐敝，又神秘，份外型格。伊利近街一带都喺啲旧式楼宇，但一踏入餐厅，又喺另一番景象。容许小弟偷懒，套用上次嘅食评讲讲环境，入门口有个迷你酒吧，唔食饭晌度轻松饮嘢都唔错，转而进入用餐区，环境以深啡衬黑，配以不同聚焦点射灯，墙边嘅日式枫叶壁画，冷酷得嚟有份破格感，而且，枱櫈嘅编排全无压迫感，空间感大，令人觉得悠闲舒服；餐厅尽头位置喺开放式厨房，可一赌厨师做菜嘅风采。本来有几款菜式喺上次试过，想介绍俾朋友，不过，原来啱啱出咗新季度嘅厨师推介，当然想试新嘢啦。Heriloom Tomato (Palette Cleanser) $148跟餐牌嘅食材有少少出入，细问之下，原来除主角英国血茄之外，其他嘢都可能有啲变动，但大
餐厅位于伊利近街嘅楼上铺，门口亦开得唔算显眼，不过，楼梯、走廊一巷黑与白，既隐敝，又神秘，份外型格。
伊利近街一带都喺啲旧式楼宇，但一踏入餐厅，又喺另一番景象。容许小弟偷懒，套用上次嘅食评讲讲环境，入门口有个迷你酒吧，唔食饭晌度轻松饮嘢都唔错，转而进入用餐区，环境以深啡衬黑，配以不同聚焦点射灯，墙边嘅日式枫叶壁画，冷酷得嚟有份破格感，而且，枱櫈嘅编排全无压迫感，空间感大，令人觉得悠闲舒服；餐厅尽头位置喺开放式厨房，可一赌厨师做菜嘅风采。
本来有几款菜式喺上次试过，想介绍俾朋友，不过，原来啱啱出咗新季度嘅厨师推介，当然想试新嘢啦。
Heriloom Tomato (Palette Cleanser) $148跟餐牌嘅食材有少少出入，细问之下，原来除主角英国血茄之外，其他嘢都可能有啲变动，但大前提都喺会选用由附近街市所买到嘅新鲜食材。英国血茄虽然色泽瘀黑，但味道清甜；此外，仲有蕃茄、莲雾，清爽多汁；冲绳海葡萄之前已经食过，口感有趣，底下洒满炸紫蕃薯碎，配以自家调制嘅沙律酱，好睇好食。
Shuck & Baked (2 pcs Baked Oysters) $138焗蚝，据个店长讲喺以白酒做汁，不过白酒香味唔喺好强，但蚝面嘅自家制鸡蛋汁及巴马臣芝士，令只蚝更芳香，饱满多汁嘅生蚝变成半生熟，仍带几分鲜味，唯一要挑剔喺个「蛋黄白酒汁」有少少咸。
Butteryaki Clams $158西式嘅白酒煮蚬从新演绎，改用清酒、味醂、昆布、葱、蒜片所做嘅汤（唔喺样样材料都食得出，只喺餐牌有写到明啫），味道颇香浓，带点酒香，几唔错；而蚬只据侍应介绍又喺每日街市新鲜入货，肉厚鲜甜，又去晒沙，值得推介。然后，再以百吉包（法包）蘸汤汁食，令我谂番起晌马交食葡菜柠檬炒蚬时，最喺又喺同样食法，面包蘸汤汁，好味！
Uni con Lardo Crostini (3 pcs) $168依道菜喺店长推荐俾我哋，果然无介绍错，以百吉包盛住海胆，再铺一层薄到透明24个月熟成嘅意大利生火腿，加埋黑橄榄及橄榄油鱼籽做成装饰。之前店长介绍时听落已好吸引，送到上枱卖相非常精致，入口海胆又绵又香，火腿出奇唔觉佢肥，带微微烟熏香，最顶顶啲橄榄油鱼籽最有趣，利用分子料理方式以橄榄油做成鱼籽咁，一咬爆开满口橄榄油油香。
14 Hours Duck Oil Confit Abalone $168睇个名「14小时油封鲍鱼」好似好劲咁，所以点一客试试，不过，原来一客得一只，感觉实在唔平。若论味道、质素，其实件鲍鱼一啲唔差，鲍鱼软腍，少少烟韧，除有鲍鱼味，仲带有姜味及微微酸香，不过，鸭油香倒不太明显，反而伴碟嘅海珊瑚几得意，有啲似食海蜇。
Chipotle Mekajiki Belly $168意犹未尽，兼又真喺未够饱，所以，特意再多叫一款主菜「剑鱼腩」。简简单单嘅煎剑鱼腩，都摆得好有心思。伴菜有红菜头、白萝卜、车厘茄、鲜露笋及幼滑嘅薯蓉，配以一个少少辣，又有烟肉味嘅忌廉汁，味道挺特别。至于件剑鱼腩，煎得表面焦脆，且鱼味浓，不过口感挺实似旧肉多啲，唔喺食开一般鱼肉嘅嫩滑质感，因为都喺第一次食，所以都唔知剑鱼腩本质喺唔喺咁！
Bird’s Nest w/Naked Milk Pudding $128上次个Blueberry Sushi甜品好鬼马，今次个布甸就正路好多。紫衬白，鲜蓝莓、紫蕃薯粉衬托雪白嘅布甸，卖相超一流。而3.6北海道牛乳做嘅布甸，奶香浓到不得了，质感柔软，甜度又啱啱好，正呀！加埋一大羹印尼燕窝，立时矜贵不少，不过，个人觉得单叫Naked Milk Pudding (Original / Lemongrass) 已足够，兼且抵食好多，只卖$78！
Naked嘅菜式唔单止菜式不拘一格，仲有好多创意，卖相、味道兼备，不过，大部份菜都喺比较细份量，一小口一小口，要多叫几碟先够撑肚皮，所以，相对消费亦颇高。所以，我哋最后都胆粗粗俾咗啲愚见予店长，可唔可以将上述几款厨师推介菜式，以一人份嘅份量，再加点炒饭或冷面，拼凑成一个定食，定价晌$350-400左右，应有一定嘅吸引力吧。
张贴
