港畔餐廳

营业中

休息中

今日同朋友庆祝生日就去咗呢一间自助餐，见到上网都好多人推荐话佢啲嘢食非常新鲜，今日走去同朋友一试！冷盘海鲜，海鲜嘅朋友真系不能够错过，基围虾非常爽口弹牙，而且味道都唔错，再加少少冷盘嘅酱汁，非常开胃！青口就冇乜特别，可以skip! 刺身就推介佢嘅Toro，出边食都非常贵，呢度可以任食，食多几件真系回本！而且味道都好好，三文鱼油脂丰富，非常甘香，而且师傅非常厚切，好好食，亦都有虾嘅刺身！屋企人就钟意食花胶冬菇鹅掌，呢一啲传统嘅中菜呢一间自助餐都有提供，非常有惊喜. 羊架我都觉得几出色，唔会有苏味，而且佢嘅味道充满香草嘅味道，好好食！