616燒肉酒場 (已結業)

住大围咁耐都唔知有间日式烧肉店，于是约埋屋企人一齐去试吓！特登book平日冇咁多人去食！虽然餐厅都有限时，但职员解释如果唔full就可以继续坐！好彩果日都唔需要我地交枱，可以enjoy一下个dinner！服务都真系几好！首先会有职员跟进一张枱，讲解餐牌同优惠，其间都唔厌烦我哋问咗好多问题！最后我哋拣咗餐厅主打嘅熟成牛同埋拼盘！上枱时职员会细心介绍点样烧同埋食嘅次序，边款配料搭边款牛肉，今次真系涨知识，平时喺出面食真系完全冇理会到呢啲！平时少饮酒嘅我哋都试埋清酒(因为支装有8折，觉得几抵😝)由于对清酒冇乜认知，所以询问左职员边款清酒易入口！(最后拣左支雪女神，易入口 带有果香 都几有层次感！)最后先知多次service我地既系靓女经理，咁啱次次举亲手同问问题都系佢应我哋😆整体而言：餐厅环境有置身于日本嘅感觉！对于食物及服务质素非常赞赏👍🏻