影片
更多
2024-08-22
967 浏览
去完围方睇完戏，梗系要去大围揾吓有咩好嘢食啦，今次就捐窿捐罅，揾咗间风车嘅西餐厅！一入到去，好大个电视，谂起呢个一定系睇波嘅好地方！饮住酒同朋友倾住偈chill下，一定几有feel！而我今日同老公就过嚟食个晚餐！叫咗个德国咸猪手！份量都唔少！两个人食都几够！啖啖肉好正！之后我哋仲叫咗个大虾意粉！调味都还好，如果可以浓啲更加好！配料都几充足！跟住我哋仲叫咗个阿拉斯蟹饼，卖相一般，但系味道还好！比较普通！最后我哋叫咗个nacho！脆片脆卜卜，几好食！一个酱就比较辣，一个就系忌廉味！叫埋酒嚟食一定好送酒！跟住唔够喉，我哋仲叫咗个蟮串烧！即叫即烧，外皮脆卜卜，几香口！呢度唯一唔好就系地理位置比较偏，距离围方都要行10分钟左右先到！所以要嚟揾嘢食就要花少少脚骨力啦！
一入到去，好大个电视，谂起呢个一定系睇波嘅好地方！饮住酒同朋友倾住偈chill下，一定几有feel！
而我今日同老公就过嚟食个晚餐！叫咗个德国咸猪手！份量都唔少！两个人食都几够！啖啖肉好正！
之后我哋仲叫咗个大虾意粉！调味都还好，如果可以浓啲更加好！配料都几充足！
跟住我哋仲叫咗个阿拉斯蟹饼，卖相一般，但系味道还好！比较普通！
最后我哋叫咗个nacho！脆片脆卜卜，几好食！一个酱就比较辣，一个就系忌廉味！叫埋酒嚟食一定好送酒！
跟住唔够喉，我哋仲叫咗个蟮串烧！即叫即烧，外皮脆卜卜，几香口！
呢度唯一唔好就系地理位置比较偏，距离围方都要行10分钟左右先到！所以要嚟揾嘢食就要花少少脚骨力啦！
张贴
