影片
更多
2024-09-02
1617 浏览
今晚去咗中环Fine Dine，位置喺中环H Queen’s 2楼，落地大玻璃，高楼底对正皇后大道中，相当有情调。总共叫咗两个头盘一个扒同埋一个甜品Share。🦀Crab Crepe蟹肉卷饼入面蟹肉超级丰富，上面用三文鱼子调味。无论蟹味咸香都非常足够。🍾Champagne: Champagne Ayala Brut Majeur用法国香槟区最优质嘅Chardonnay酿酒，酒体轻盈口感清爽，带有成熟青苹果和柠檬香味，适合配搭生蚝同蟹饼🦴NYC Beef Tartare (5oz)佢哋signature嘅牛肉他他 ，嫩滑嘅牛肉下低系焗热嘅牛骨髓，面头系炸香嘅薯仔丝，用焗脆左嘅酸种面包，一齐食，先食到牛肉暖暖地嘅温度加埋牛骨髓嘅浓香，之后就会咬到薯仔丝嘅脆口同埋牛肉嘅嫩滑。第一次食暖暖哋嘅他，原来都几好食。🥂White: Robert Mondavi Napa Valley Chardonnay美国加州经典酒庄出品，酒体浓郁，略带牛油香气，与鸡肉和鱼肉料理配搭会相得益彰，配合牛肉他他又未尝不可。Premium Charolais Beef Ribeye (from France 12 oz
总共叫咗两个头盘一个扒同埋一个甜品Share。
🦀Crab Crepe
蟹肉卷饼入面蟹肉超级丰富，上面用三文鱼子调味。无论蟹味咸香都非常足够。
🍾Champagne: Champagne Ayala Brut Majeur
用法国香槟区最优质嘅Chardonnay酿酒，酒体轻盈口感清爽，带有成熟青苹果和柠檬香味，适合配搭生蚝同蟹饼
🦴NYC Beef Tartare (5oz)
佢哋signature嘅牛肉他他 ，嫩滑嘅牛肉下低系焗热嘅牛骨髓，面头系炸香嘅薯仔丝，用焗脆左嘅酸种面包，一齐食，先食到牛肉暖暖地嘅温度加埋牛骨髓嘅浓香，之后就会咬到薯仔丝嘅脆口同埋牛肉嘅嫩滑。第一次食暖暖哋嘅他，原来都几好食。
🥂White: Robert Mondavi Napa Valley Chardonnay
美国加州经典酒庄出品，酒体浓郁，略带牛油香气，与鸡肉和鱼肉料理配搭会相得益彰，配合牛肉他他又未尝不可。
Premium Charolais Beef Ribeye (from France 12 oz)🥩
嚟到扒房梗系要锯扒啦，呢个法国牛肉眼，喺𠮶度烈火烧到香喷喷出嚟。檀香味同埋肉味就十足。配传统嘅红酒汁同埋Bearnaise，两者都几夹呢个牛扒。sidedish都叫咗两份。一份系烤芦笋，另外一份薯蓉。𠮶度薯蓉就不得不提佢哋呢度嘅薯蓉有好多种唔同口味，今日食呢种系墨西哥辣椒同埋芝士混合而成嘅超浓郁薯蓉，超级好食。
🍷Red: Escudo Rojo Baronessa P
法国罗富齐家族在智利酿造的顶级佳酿，将法国工艺运用到智利优质葡萄身上，使酒体浓厚之余更带有丰富橡木层次感，入口相当柔顺，与各类牛扒能天衣无缝地配搭。其实三款酒都好易入口，店员介绍嘅酒的确唔错。
Signature Tiramisu
最后就系食佢哋嘅甜品Tiramisu。成盘拎出嚟滗俾你非常新鲜湿润。为今晚嘅晚餐有个完美嘅句号。
张贴
