和家

营业中

休息中

朋友介绍呢一间嘅日式居酒屋，有好食嘅关东煮我哋总共叫咗两轮。第一轮就试咗佢推介嘅大根，年糕福袋。另外自己拣咗蒟蒻，鸡蛋同埋牛筋。店入面有好大个锅，加热紧啲关东煮。点菜姐姐好快落完单之后，就会喺侧边𢳂俾我哋，上菜速度都算几快。而且因为啲嘢食有汤载着，所以都唔会冻得好快。钟意饮汤嘅朋友可以连关东煮嘅汤汁都饮埋。因为呢间餐厅好似主要做宵夜时段，所以感觉上食物份量唔系好多。我哋叫咗个饭团，有三种口味拣，分别系盐味，梅味同明太子。我哋拣咗明太子，醋饭好新鲜，饭桶朋友一定会钟意。系即叫即整嘅饭团，所以紫菜都系脆嘅。串烧方面我哋叫咗鸡肉丸子。因为两人位系喺吧枱，所以直头喺师傅面前，可以见到啲师傅烧嘢同埋整嘢食。同平时嘅免治鸡肉棒唔一样嘅系，入面冇软骨。净系用软滑嘅鸡肉打成，有得拣盐烧同埋汁烧，我哋拣咗汁烧，味道都唔错。第二转嘅关东煮我哋拣咗椰菜卷同埋厚扬豆腐，汤汁都算入味。简单嘅一餐已经食到好饱啦。