影片
更多
2019-07-17
4912 浏览
好耐无同老婆拍拖更过嚟港岛呢边，所以，趁呢个星期六大家都无乜嘢搞，可以轻松啲，就行吓香港公园一带。顺道过埋嚟湾仔头兰杜街嘅「Odelice」食个午餐。大概年几前同朋友到访过尖沙咀店，印象中喺有质素嘅，而且，仲记得有款牛油果班尼迪蛋，喺好啱老婆口味嘅菜式，故此，更加要带佢嚟试吓。唔及尖沙咀店地方咁大，但装修方面都下过苦功，而Odelice主打卖法国菜，所以，装潢都有点法式小馆嘅样子。我哋嚟得早，未有太多客，但坐无耐，唔喺讲笑，就爆晒场，座无虚席咁滞。星期六、日及假期嘅午市，主要喺供应「早午套餐」，供应时间由12:00pm-5:30pm，包沙律或是日餐汤、主菜和基本餐饮。而主菜嘅选择非常之多，如全日早餐、班尼迪蛋 、法式荞麦薄饼、法式多士三文治、意粉及烩饭、主厨挑选菜式……等等，定价视乎所选主菜，由$48至$168，丰俭由人。除咗个套餐，餐牌仲罗列咗多款特色甜点，尤其法式可丽饼系列，真喺好多款式拣。此外，餐牌里仲提供多款精选特饮、特色咖啡、天然鲜榨果汁、高级花草茶及梳打饮品。唯可惜套餐餐饮只可以加钱转为意大利泡沫咖啡或鲜奶咖啡，并不可以转配其他饮品，稍微欠点弹性。是日精选餐汤今日餐汤喺乜？
唔及尖沙咀店地方咁大，但装修方面都下过苦功，而Odelice主打卖法国菜，所以，装潢都有点法式小馆嘅样子。我哋嚟得早，未有太多客，但坐无耐，唔喺讲笑，就爆晒场，座无虚席咁滞。
星期六、日及假期嘅午市，主要喺供应「早午套餐」，供应时间由12:00pm-5:30pm，包沙律或是日餐汤、主菜和基本餐饮。
而主菜嘅选择非常之多，如全日早餐、班尼迪蛋 、法式荞麦薄饼、法式多士三文治、意粉及烩饭、主厨挑选菜式……等等，定价视乎所选主菜，由$48至$168，丰俭由人。
除咗个套餐，餐牌仲罗列咗多款特色甜点，尤其法式可丽饼系列，真喺好多款式拣。
此外，餐牌里仲提供多款精选特饮、特色咖啡、天然鲜榨果汁、高级花草茶及梳打饮品。唯可惜套餐餐饮只可以加钱转为意大利泡沫咖啡或鲜奶咖啡，并不可以转配其他饮品，稍微欠点弹性。
是日精选餐汤今日餐汤喺乜？其实墙上已写，不过店员都会介绍一次，是日就喺蕃茄汤（Tomato Courgette Soup），但你会问，点解汤色见橙，而非红色？我都好奇，就喺因为加入意大利黄青瓜，再者，唔知喺咪刻意减少忌廉份量，入口较为清爽，带微微蕃茄酸香。
田园沙律个沙律简简单单以沙律菜、樱桃萝卜、青瓜、车厘茄、甘笋丝为基础，淋上油醋而成，食得出用料新鲜，入口爽脆清爽，轻易打开胃纳。
香煎带子荞麦薄饼 $135既然餐厅喺主打法式，当然拣啲法式风味嘅主菜啦，又以法式荞麦薄饼较特别，多年前晌中环嘅「Springfields」都试过呢类咸食嘅薄饼，非常特别，故此特意点嚟俾老婆试试。从餐牌所见，喺由香煎带子、烟肉、香浓白酒忌廉煮野菌所组成，配以沙律菜。
香煎带子荞麦薄饼
$135
41 浏览
0 赞好
0 留言
蒜香白酒大蚬意粉 $148因为上次都食过班尼迪蛋，故今次另一主菜就唔翻兜，改为由店长推介嘅大蚬意粉，据介绍最大卖点喺啲大蚬，嚟自法国，所以，睇外观绝对喺靓货，只只都好大只，蚬肉显得厚身饱满。
先试试啲扁意粉，煮得够咬口，有韧劲，最怕就喺𠮶啲过腍嘅意大利面，而且，微微渗出白酒及蒜香，只喺有点点过咸嘅情况出现；蚬肉果然好得，鲜甜得嚟像带点海水嘅咸鲜味，真不愧为法国货。
热柠水由于无得转其他特色饮品，热柠水喺老婆嘅最佳选择，平常真喺唔会加一栏嚟写热柠水，但当热柠水竟然都配上一小件枫糖饼干，以及佐以花蜜代替一般嘅沙糖，依啲就喺质素嘅分野，有咁嘅细心位，点可以唔写番少少嘢！
拿铁 +$10虽然佢哋唔喺一家正式嘅咖啡店，但杯拿铁卖相都OK架，同样配上一小件枫糖饼干。先呷一啖，虽则口感未至于好均匀，但咖啡嘅醇香度绝不失礼。
煎香蕉、焦糖酱、雪糕可丽饼 $55既然餐饮拣咖啡，就喺因为预咗以甜点作结，先试嘅喺呢一款够晒「蕉」气嘅可丽饼，饼面仲淋得满满焦糖酱，劲啱晒我嘅口味。
煎香蕉、焦糖酱、雪糕可丽饼
$55
46 浏览
0 赞好
0 留言
提拉米苏 $65食完个可丽饼，两公婆都意犹未尽，追加多一道提拉米苏，不单大大件提拉米苏，更以士多啤梨及鲜打杂莓酱做装饰，体现番厨师嘅制作一啲都唔马虎，处处到位。
提拉米苏
$65
41 浏览
0 赞好
0 留言
悠闲嘅环境，出色嘅食品，再加上到位、有礼嘅服务，让我哋渡过一个写意嘅午餐时光，亦明白何解就连星期六嘅午市都咁爆场。
张贴
