譚仔三哥米線 (希爾頓中心)

营业中

休息中

每个星期都会同同事嚟一次食晏。最近消委会出报告指三哥米线钠超标，我哋即日就再嚟一次其实出街食嘢你都预咗系咁，个汤应该系最劲嘅，但冇人叫你当个汤底系阿妈煲嘅汤就咁饮。呢度食晏时间人多，特别系附近多学生，我哋五六个人嚟食通常都要等10分钟左右，遇著学校假期就会少啲人。可能因为人多繁忙，呢度阿姐不时会落错单，又或者厨房会出错嘢，要小心留意。嘢食方面其实好似你去连锁快餐店咁，你都预计到味道同质素会系点，正正常常就可以了。三哥配菜选择多，米线有咬口，麻辣四小就啱我口味。