來多碗車仔麵 (康寧道) (已搬遷) 新店位置

之前朋友食过一次话好好味, 所以今日放工特别跑去试一下!嚟到.... 好多人, 要等位, 不过姐姐叫我先叫面, 话好快会有位。之前睇过食评, 大部份人都对这里的猪肠, 牛腩同鱿鱼赞不绝口, 我就足左四𩠌, 猪肠、猪红、牛腩同鱿鱼河粉, 加辣。第一口当然试左个汤先。个汤好清, 平时出边车仔面个汤多数都系好重味精, 好浓, 但呢到𠮶个好清, 唔会抢左D𩠌的味道。 再嚟, 到食𩠌。猪肠, 有点肥, 但很有咬口, 亦够入味。牛腩很淋, 很香牛肉味。猪红同鱿鱼反而无咩特别, 有点失望, 而且鱿鱼有少少天拿水的味道, 食了一条就无再食。  反而河粉比左D惊喜我, 好滑, 又唔会太淋, 加埋D汤, 好正! 本来想加支可乐, 但个个姐姐都忙到无人睇到我举手.... 其实整体嚟讲都算唔错, 美中不足是坐位得迫, 而且冷气不够, 现时这种天气在这吃面要吃得快, 一食完最后一口个碗已经即时比人收左, 虽然我知有人等位, 但有点儿急...