影片
更多
2018-01-20
55 浏览
四川担担面 $45本来系登龙街谂住食拉面 排排下队过左对面排担担面 都有一排无食上海菜 例牌叫左碗担担面:- 卖相standard- 面质太淋 明明见啲伙记手脚几快照计唔会浸得太耐... - 汤底几好 微辣 担担面最独特既花生味都出- 份量一般 反正大食之人一定唔够 不过食得上海菜又点会唔另叫点心小菜食- 价钱可以接受 如果U$40更好小结 面质系硬伤 其他方面水平都有average 特别适合对面质无太高要求既朋友灌汤小笼包 $34好好食既一份小笼包! 门口排队果阵系芝士小笼同灌汤小笼之间摇摆 拣定左入铺坐底先见墙身贴住话系招牌菜本人都几钟意食小笼包 衡量小笼包质素不在特别 只在几项基本野:- 汤汁: 汤汁系小笼包质素最重要既一项指标 几款小笼之间拣左呢款都系俾"灌汤"两个字吸引 结果无失望 肉汁多且鲜 温度微烫正好放入口 一啖一粒咁食犹为满足- 皮: 皮薄馅靓特别适合形容小笼包 如果大家厚薄皮都试过 可能都会觉得皮太实太韧有碍口感 我觉得最理想系块皮厚薄度刚刚足够夹起而不破 可以完美地锁住肉汁 呢碟小笼既皮就真系足够薄- 馅: 肉馅本身品质高唔高好难试得出 我对小笼包用既肉馅只有最低
本来系登龙街谂住食拉面 排排下队过左对面排担担面 都有一排无食上海菜 例牌叫左碗担担面:- 卖相standard
- 面质太淋 明明见啲伙记手脚几快照计唔会浸得太耐...
- 汤底几好 微辣 担担面最独特既花生味都出
- 份量一般 反正大食之人一定唔够 不过食得上海菜又点会唔另叫点心小菜食
- 价钱可以接受 如果U$40更好
小结 面质系硬伤 其他方面水平都有average 特别适合对面质无太高要求既朋友
灌汤小笼包 $34
好好食既一份小笼包! 门口排队果阵系芝士小笼同灌汤小笼之间摇摆 拣定左入铺坐底先见墙身贴住话系招牌菜本人都几钟意食小笼包 衡量小笼包质素不在特别 只在几项基本野:
- 汤汁: 汤汁系小笼包质素最重要既一项指标 几款小笼之间拣左呢款都系俾"灌汤"两个字吸引 结果无失望 肉汁多且鲜 温度微烫正好放入口 一啖一粒咁食犹为满足
- 皮: 皮薄馅靓特别适合形容小笼包 如果大家厚薄皮都试过 可能都会觉得皮太实太韧有碍口感 我觉得最理想系块皮厚薄度刚刚足够夹起而不破 可以完美地锁住肉汁 呢碟小笼既皮就真系足够薄
- 馅: 肉馅本身品质高唔高好难试得出 我对小笼包用既肉馅只有最低要求 就系唔好鞋唔好太大 因为鞋身影响口感 太大就可能压缩左留俾肉汁既空间 呢份小笼系呢方面都过到关
最后同大家分享下小笼包既食法:
- 疑似正宗: 先系包顶咬个口子 测试下热度适合放得入口未 跟住啜哂肉汁 最后先皮连馅食
- 个人最爱: 一样咬个口子吹吹 轻啜一下feel到温度咁上下 皮连馅连肉汁一口过
咩食法都好 千祈唔好太心急一上枱就成旧放入口 容易烫伤舌头
口水鸡 $48
口水鸡好似系川菜 本身带辣 冻食我对口水鸡一般不过见友人食到唧唧声应该算唔差 简单讲下几句 首先系辣度算中辣 唔受得辣既朋友唔好叫 肉质正常 唔鞋唔嫩 份量方面 好细碟咁上枱 实质比起其他餐厅应该无特别少 略嫌鸡只斩得太大件 切多两刀会好啲 价钱唔平唔贵 算系成餐平食之中价格最高一样 肉食贵啲都理解 一句过 可以一试
上海生煎包(2个) $18
铺名叫正宗上海生煎皇 老实讲我系有啲期待 有系上海食过地道生煎包既朋友可能会明白 呢几年黎无系香港食过同等质素讲返呢份生煎 见到卖相系有啲惊喜 唔系因为整得好靓 而系同上海见既差唔多 上海既生煎有别香港常见既煎包底而系煎包面 张相见唔到其实反转呢两粒生煎正正系煎包面
咬一啖试下 少少失望但又合乎预期 平心而论呢份生煎都几好食 可惜在肉汁量都系差少少 当年系上海我系一咬就爆汁 难怪记忆犹深 同小笼包一样肉汁我视为生煎包水平既重要指标 呢两只肉汁唔错 仍然有进步空间
小笼包要皮薄馅靓 生煎包都差唔多 当然生煎包皮当然唔会有小笼包咁薄 呢份生煎其实系几迷你下 按比例皮既厚薄度同馅料既大细我觉得都ok 强烈建议大家系度食生煎就叫足4个 2个真系有啲唔够喉
同小笼包一样 生煎包我觉得都系呢度必叫 其实我自己无论系边度食上海菜已经系必点呢两样 个人喜好
张贴
