豊勝手丼 (已搬遷) 新店位置

前几日食完日本野好似唔系好够喉～揾左间海鲜丼,位于铜锣湾广场二期后面的谢斐道,豊胜手丼~拉开趟门有16个座位~2点也很full,时间刚刚好,幸好有位~赘沢云丹丼~原板韩国海胆+日本海胆+赤虾+碎葱吞拿鱼腩,呢个丼我好想好想食!!!很可惜今日得我自己一个食,我一定食唔哂~好浪费,谂左谂右,犹豫左一阵,员工就叫我可以比厨师发办丫,咁我讲左唔想食三文鱼同赤身,想食海胆同赤虾佢地就去安排制作喇～这个Omakase丼 set有前菜沙律,螺肉同清甜面豉汤(有豆腐,昆布同白萝卜)$258海胆份量唔少,入口即溶味道鲜,甘甜~唔苦唔涩!每次食海鲜丼~睇见刺身海鲜排得整整齐齐就很兴奋,特别有海胆,把它捞饭我最爱的!带子肉质丰厚,两片带子夹著柠檬片令带子更加清新比目鱼边充满丰富鱼油,非常甘香,加上黑松露想不到增加风味之余又不会抢去鱼的鲜味赤虾比手指还要粗比手掌还要长~弹牙嫩滑多胶质,虾头的膏也不少呀油金鱼粉红嫩滑,肉质厚实甘甜~海鲜刺身营养丰富且容易吸收,含丰富蛋白质,DHA等等,食多d都无罪恶感喇！