影片
更多
2024-04-17
974 浏览
Omakase 「海胆宴」，榛 香港人好钟意食海胆，好多时候出面嘅海胆嘅种类提供都未必会多过三款，但系今次佢哋搞嘅海胆宴完全满足到钟意食海胆嘅大家，当中包括唔同牌子产地嘅马粪海胆，白海胆，紫海胆。上年第一次访之后，觉得味道几好，唯独有少少体验上嘅美中不足。有进步嘅空间，今年再访佢地有明显嘅改善。而且流程smooth 左好多。当晚全场满席，我地同行共五位。除左净系食海胆菜式之外，亦都有基本嘅寿司，茶碗蒸等等。我觉得佢地由于极度专注喺海胆上面，所以寿司方面嘅款式减少咗。但系仍然都有清淡至味道丰富嘅高低起伏。而且亦都有同客人沟通，讲解食物背后故事，表场操作嘅即炭烧帆立贝亦都加左分。一餐入面有齐蒸，煮，烧，炸，炖确实牵涉好多工序👍 听讲佢地嘅海胆宴已经唔系第一次搞，相信黎紧会越嚟越纯熟。当晚餐单：长崎县 小长井 华莲牡蛎 （特别要求菜式）每年春季只会盛产一个半月嘅生蚝，味道爽脆，轻微海水味，清甜不腻。系小长井生蚝当中最高嘅级别。同坊间流行嘅令和之怪物好食得多。北海道马粪海胆茶碗蒸蛋配搭炒香再打蓉嘅淡路洋葱，甜上加甜。成件事好夹。蒸蛋香滑，偏挺身，但系无蒸过龙。北海道马粪海胆白虾多士呢个咸香味比
Omakase 「海胆宴」，榛
香港人好钟意食海胆，好多时候出面嘅海胆嘅种类提供都未必会多过三款，但系今次佢哋搞嘅海胆宴完全满足到钟意食海胆嘅大家，当中包括唔同牌子产地嘅马粪海胆，白海胆，紫海胆。
上年第一次访之后，觉得味道几好，唯独有少少体验上嘅美中不足。有进步嘅空间，今年再访佢地有明显嘅改善。而且流程smooth 左好多。当晚全场满席，我地同行共五位。除左净系食海胆菜式之外，亦都有基本嘅寿司，茶碗蒸等等。我觉得佢地由于极度专注喺海胆上面，所以寿司方面嘅款式减少咗。但系仍然都有清淡至味道丰富嘅高低起伏。而且亦都有同客人沟通，讲解食物背后故事，表场操作嘅即炭烧帆立贝亦都加左分。
一餐入面有齐蒸，煮，烧，炸，炖确实牵涉好多工序👍 听讲佢地嘅海胆宴已经唔系第一次搞，相信黎紧会越嚟越纯熟。
当晚餐单：
长崎县 小长井 华莲牡蛎 （特别要求菜式）
每年春季只会盛产一个半月嘅生蚝，味道爽脆，轻微海水味，清甜不腻。系小长井生蚝当中最高嘅级别。同坊间流行嘅令和之怪物好食得多。
北海道马粪海胆茶碗蒸蛋
配搭炒香再打蓉嘅淡路洋葱，甜上加甜。成件事好夹。蒸蛋香滑，偏挺身，但系无蒸过龙。
北海道马粪海胆白虾多士
呢个咸香味比较突出，系来自烤香刨碎嘅乌鱼子。白虾亦都系大头数嘅白虾，入口好绵滑，香甜。口感好好。
北海道白海胆天妇罗
天妇罗做法演变出嚟，大叶包住海胆，上天衣炸香表面。入面仍然软滑，油温操控几好。
九州平政鱼🍣
先黎嘅寿司用鱼味带起，鱼料正常操作。舍利分明，微酸。比例无问题。
九州鱿鱼马粪海胆🍣
呢个配搭一定无死，口感互相配合。软滑嘅马粪海胆跟夹口嘅鱿鱼。
北海道毛蟹马粪海胆
想像到嘅鲜+甜，金钱嘅味道😂。
慢煮北海道地蛤🍣
呢个好食，Hamaguri 嘅贝类鲜甜味，慢煮做出肉质有熟同刺身之间嘅口感。👍👍同醋饭好夹。
北海道白海胆🍣
再黎另一款嘅白海胆，偏甘，另一种嘅味觉享受。
九州伊根产 鲔 大拖罗🍣
食Omakase 必食嘅鱼种，改晒，无筋，软滑肥美。
佐贺海苔配北海道紫海胆黑松露
呢个系佢地嘅 signature, 一直以黎都keep 住出。佐贺，系海苔极高级嘅产地，来货本身唔平，佢哋先炸好，放上海胆，再刨黑松露。香味由炸好仍然系热嘅海苔盛品带出食材所有品道。一样都系口感丰富，味道满足爆灯嘅一度。👍👍
北海道马粪海胆烧帆立贝配地蛤汁
佢地用炭用地蛤汁将帆立贝烧做半熟，呢个已经好香好鲜甜。跟马粪海胆又系无可能唔好食。
烧北海道喜知次配马粪海胆汁
呢个鱼油香极重Kinki , 肉质绵滑，同打成汁嘅海胆完全融为一体。
九州伊根产 Negi Toro手卷
正常操作，不过已经好饱。。。。有葱搭够，清新返少少。
黑毛和牛北海道马粪海胆釜饭
鹿儿岛A4和牛西冷，油脂捞饭，Medium Rare 熟度牛肉加海胆，黐晒线嘅组合。不过真系好好食。
鱼汤
甜品
呢个海胆宴非常推介比钟意食海胆嘅人，因为其实每款海胆嘅味道都唔一样。呢个餐单嘅setting可以俾初学者试到，马粪，白，紫海胆应该有本身嘅味道之余，仲可以食到香港人偏向喜欢嘅鱼贝类。
个人而言，佢哋唔系净系单纯行江湖前风格，反而加添咗fine dining 嘅元素。海胆控嘅话，绝对可以值得一试。
张贴
