影片
更多
2014-12-24
3955 浏览
参加了openrice嘅派对！系一间中环苏豪区嘅上楼小餐厅！我比较少踏足呢区，因为带住肥髀唔方便，由地铁站行上去，路程都几远！（斜坡加楼梯）去到搭䢂上去，一间好有欧式餐厅，昏暗灯光，深色木枱木櫈，三张大长方木枱个空间！只可以坐几十人！唔华丽但温暖！比较家庭感觉！见到厨房玻璃窗透出挂住嘅香肠！唔通自家制？店内好有圣诞节气氛，工作人员仲安排了圣诞节头饰比我们！好窝心！ 因为肥髀开始放圣诞节假，我要带埋佢去，多谢工作人员同店员嘅安排！ 门口有座放满蛋糕仔嘅圣诞树！味道好正（名牌西饼店）！门口有位好亲切嘅外籍店员，比杯有汽粉红色餐酒做welcome drink!(肥髀无得试 ）颜色粉红色好靓，味道好易入口！配蛋糕好味！玩咗游戏，开始上头盘： 忌廉南瓜汤：好滑，南瓜味好浓！而且够热！ 烧腩肉：好香好脆，唔觉肥腻，点埋烧烤酱食一流，肥髀食到唔停口！ 菠菜芝士沙律：好新鲜，好少见只得菠菜嘅沙律，通常都搭啲其他蔬菜，个红醋汁几特别，系杰身嘅，挂到上菜叶上！酸酸地，夹杂水牛芝士好好味！之后上主菜： 香草橄榄油三文鱼：唔会干！三文鱼肉熟食唔硬！香草唔会抢走三文鱼味道！唔错！ 烧猪筋骨：呢个
因为肥髀开始放圣诞节假，我要带埋佢去，多谢工作人员同店员嘅安排！
门口有座放满蛋糕仔嘅圣诞树！味道好正（名牌西饼店）！门口有位好亲切嘅外籍店员，比杯有汽粉红色餐酒做welcome drink!(肥髀无得试 ）颜色粉红色好靓，味道好易入口！配蛋糕好味！
玩咗游戏，开始上头盘：
忌廉南瓜汤：好滑，南瓜味好浓！而且够热！
烧腩肉：好香好脆，唔觉肥腻，点埋烧烤酱食一流，肥髀食到唔停口！
菠菜芝士沙律：好新鲜，好少见只得菠菜嘅沙律，通常都搭啲其他蔬菜，个红醋汁几特别，系杰身嘅，挂到上菜叶上！酸酸地，夹杂水牛芝士好好味！
之后上主菜：
香草橄榄油三文鱼：唔会干！三文鱼肉熟食唔硬！香草唔会抢走三文鱼味道！唔错！
烧猪筋骨：呢个好好味，猪筋骨好易骨肉分离！烧烤酱入味！有肉汁！简单又好味嘅下道菜！
烧鸡：我觉得嚡了点！唔系好入味！一般！
芝士通粉：好浓好杰嘅芝士酱，面头焗得好香，配通粉好夹，通粉少许弹牙！味道会比较腻！唔食得多！
配菜有：
香草甘荀：个样其实似煲汤红萝卜！煮得入味，又有少许咬口！唔错！
薯蓉：唔系平时忌廉薯蓉，反而似以前嘅蕃薯饭，似粗粮，加了啲食材入去，所有食材又混合一起！味道夹！好味！
甜品有：
苹果蓉杂莓酱挞：样子几可爱，苹果蓉酸甜有咬口，中间杂莓酱酸甜！挞皮脆！好味！
饮品可以拣红白酒，我饮白酒！Appellation Chablis Contrôlée 2011,葡萄酒我真系唔识，不过饮落几易份口，唔错！
店员都好nice,大部份都系外藉，加水添酒好殷勤，而且面带笑容，主厨哥哥仲好靓仔！佢哋都带份出来同大家玩！因为餐厅细，客人唔多！气氛反而好热烈，玩游戏都好投入！
食物唔系精致，唔重摆盘（好多都一个碗装住菜色），有欧洲家庭菜嘅感觉！但味道唔错！包场开派对，食饭都好适合嘅地方！
白酒
78 浏览
0 赞好
0 留言
张贴
