OPPA韓國燒肉店

营业中

休息中

传说中韩国人落雨会特别想食炸鸡，因为雨声令佢地联想到油炸声。 今晚落住毛毛雨，我脑中亦响起铁板既渣渣声，于是老屈朋友陪我去韩烧。坐低就见到台面放左大麦茶、生菜同三款泡菜。 虽然可以无限refill但都冇交颓货，大麦茶好够冻、生菜够新鲜，一见唔系普通既冰水已经暗中加左分。前菜有芽菜、泡菜同海带，正常质素。 可能食开炑八既醋渍海带，个种水润滑溜既质感正到可以狂啪几碟，而呢度既海带就比较干身，有少少失望。全个menu最吸睛一定系成只牛放哂出黎既和牛拼盘，见Oppa和牛二人餐包左拼盘同Movenpick雪糕，就抱住未必够饱要再加单既心态叫住先。Oppa和牛二人餐 ($308/位)A4和牛拼盘有日本A4牛肉眼、A4黑毛和牛肩肉、A4黑毛和牛背峰、A4黑毛和牛三角腩、澳洲和牛舌、雪花腩同封门柳。 睇完一次都唔知系咩黎，不过好贴心地以全牛托盘上台，牛肉属于咩部位已经一目了然。一共七款牛肉色泽鲜明、油脂分布平均，迫不及待放上铁板，三两下手势几秒内就食得。 牛肉系几新鲜嫩滑既，不过韩式包菜配惹味豆酱既食法令牛味唔太突出。我自己就最钟意较肥腻既雪花腩同三角腩，其余部位就切得比较薄同埋多瘦肉，未有太大惊喜。