影片
更多
2017-06-08
257 浏览
旺角韩国烧肉店林立，要突围而出，必然系平靓正之选。今晚由朋友带路黎嘅呢间OPPA烧肉店，位置唔算系旺角正中心点，但隔离先达路程都只系几分钟。更加估唔到嘅系平日夜晚九点，呢度都座无虚席，咁啱有客人刚刚埋单，我地先好快顺利入座。系门外见有个和牛拼盆好似好吸引，不过最终都选拣左马场洞套餐 ($838+10% service charge)，贪佢乜都有。马场洞位于韩国首尔，但呢个套餐嘅牛肉，分别有黎自韩国、澳洲同日本。另外仲有黑豚肉、银雪鱼、什至系鹅肝都有，亦都包括韩式炸鸡、海鲜年糕，份量丰富，四个人食都好饱。专注研究menu期间，OPPA店员已经好快咁上左三小碟，麦茶同酱料。三小碟包括韩国泡菜、大豆芽同埋海带，味道唔错。麦茶系冰凉嘅，下火一流。睇menu见到其他野饮，例如不同嘅生果冰、啤酒、韩国真露等都好吸引。系等紧个炉热果阵，OPPA继续好快手咁倒入蛋汁。见我地系度影相，佢更加表演埋「拉蛋汁」，功力深厚。泡菜烤蛋几时都系至爱，全部人都食唔停口。大部分烧肉都系由OPPA好主动咁亲自操刀，我地负责做嘅，就系戴上围裙等食。第一样食嘅系澳洲和牛五花。牛五花之所以有呢个名，因为佢系牛嘅肚皮肉，脂肪含
系门外见有个和牛拼盆好似好吸引，不过最终都选拣左马场洞套餐 ($838+10% service charge)，贪佢乜都有。马场洞位于韩国首尔，但呢个套餐嘅牛肉，分别有黎自韩国、澳洲同日本。另外仲有黑豚肉、银雪鱼、什至系鹅肝都有，亦都包括韩式炸鸡、海鲜年糕，份量丰富，四个人食都好饱。
专注研究menu期间，OPPA店员已经好快咁上左三小碟，麦茶同酱料。三小碟包括韩国泡菜、大豆芽同埋海带，味道唔错。麦茶系冰凉嘅，下火一流。睇menu见到其他野饮，例如不同嘅生果冰、啤酒、韩国真露等都好吸引。
系等紧个炉热果阵，OPPA继续好快手咁倒入蛋汁。见我地系度影相，佢更加表演埋「拉蛋汁」，功力深厚。泡菜烤蛋几时都系至爱，全部人都食唔停口。
大部分烧肉都系由OPPA好主动咁亲自操刀，我地负责做嘅，就系戴上围裙等食。
第一样食嘅系澳洲和牛五花。牛五花之所以有呢个名，因为佢系牛嘅肚皮肉，脂肪含量多，油花漂亮。通常都系食开shabu shabu，但用作烧肉，一样肉甜味美。
要数最爱嘅肉类，非韩牛脊柳同M9和牛上肩肉莫属。两款都系属于比较有咬口，肉质坚韧有弹性。
其他肉类，例如黑豚肉、牛三角肉同肉眼，包系生菜入面食，再点上酱汁，都配搭得好好。值得一提嘅系呢度嘅酱汁调配得好好味，无论系炸鸡嘅韩式辣酱，又或者点肉食嘅(?)蜜糖黑椒酱，都令到每款食物嘅味道更升华。
鹅肝大大旧但软身，呢度只系分开之后嘅四分一。烧果阵要好有技巧，全靠有OPPA帮忙。
银雪鱼柳系不过不失嘅选择，肉类始终比较油腻，最后食返个清少少嘅鱼柳都唔错。
炸鸡同海鲜年糕富有传统韩式风味，年糕煮得好淋好入味，味道偏辣。
整体黎讲，呢间烧肉店实在令我喜出望外。唔同嘅肉类都有惊喜，亦不失牛味，值得一试。
张贴
