丼造

营业中

休息中

店舖细细地，入面有少少堂食嘅位置，不过主要见到都系外卖多为主 。今次就叫咗佢哋个七色鱼生丼 。特别值得一提系大虾非常鲜甜；帆立贝大大只同埋好好味嘅海胆。另外要值得讲嘅就系佢哋嘅鳗鱼饭，鳗鱼嘅份量条鳗鱼好大条，唔使惊食晒啲饭都唔够鳗鱼，啲汁有少少太甜，如果担心太多嘅话其实可以同佢哋讲少啲汁。但系整体嚟讲都系正嘅。另外今次仲叫咗一个三文鱼头，三文鱼头煎得几香唔会有腥味，而且好厚肉。最后竟然要提嘅就系免费嘅鲷鱼汤，个鲷鱼汤同出面平时送嘅面豉汤好唔同，个汤热辣辣，而且饮落去唔会有腥味，但有少少姜味，呢一个汤真系叫做有惊喜。