影片
更多
2021-08-29
2083 浏览
一早黎到Kitchen食早餐，拎咗最后一个窗边卡位。前一日3点checkin即扫QR code，已经每一个time slot都已经满晒，再排队问职员佢都唔知点处理(房package包早餐)。最后直接去餐厅问，原来几个timeslot都仲有位，应该系系统有问题。如果大家用QR code book唔到，可以直接去餐厅问冻盘有沙律有cold cut。比较开心系有多款芝士，可以配饼干食。日式食物有寿司、冷面、日式蒸蛋。冷面啲面冇咬口，咬落去好mushy。日式蒸蛋好食，虽然佢放喺热盘上面，但只系只碗热，蛋就唔太热。可能系怕太热啲蛋会变「鞋」，但系热啲会好食啲。热食中西式早餐都应有尽有。去counter可以请厨师煮蛋，我地要咗一份芝士蘑菇奄列，一份半熟太阳蛋。热食之中虾饺烧卖都好好食。佢仲有一个counter系自选配菜嘅粉面，有四款汤底可以拣。最多人拣黑蒜汤底。我就冇要粉面，拣蕃茄汤底要咗一份全素菜。佢应该系我见过最多烘焙食品款式嘅酒店早餐。小朋友见到各种冬甩都好兴奋。我地试咗牛角包同葡挞。虽然热，但系两款都冇酥皮又薄又脆嘅口感，反而吸咗好多水气，口感黏糊，好似隔夜酥皮包咁。雪柜有各式水果同乳酪，
冻盘有沙律有cold cut。比较开心系有多款芝士，可以配饼干食。
日式食物有寿司、冷面、日式蒸蛋。冷面啲面冇咬口，咬落去好mushy。日式蒸蛋好食，虽然佢放喺热盘上面，但只系只碗热，蛋就唔太热。可能系怕太热啲蛋会变「鞋」，但系热啲会好食啲。
热食中西式早餐都应有尽有。去counter可以请厨师煮蛋，我地要咗一份芝士蘑菇奄列，一份半熟太阳蛋。热食之中虾饺烧卖都好好食。
佢仲有一个counter系自选配菜嘅粉面，有四款汤底可以拣。最多人拣黑蒜汤底。我就冇要粉面，拣蕃茄汤底要咗一份全素菜。
佢应该系我见过最多烘焙食品款式嘅酒店早餐。小朋友见到各种冬甩都好兴奋。我地试咗牛角包同葡挞。虽然热，但系两款都冇酥皮又薄又脆嘅口感，反而吸咗好多水气，口感黏糊，好似隔夜酥皮包咁。
雪柜有各式水果同乳酪，仲有捞咗各种水果嘅奇亚籽。
我觉得自助早餐算多选择。我早餐口味比较清淡，通常系食生果/乳酪。佢就钟意比较多款丰富饱肚。我地两个都食得好满足。
望住海景食早餐特别chill，staycation早餐食出去旅行嘅感觉❣️
张贴
