Mi Casa Chilean Oyster Bar (已結業)

杂志介绍揾到呢间隐闭小店，室内布置好warm，座位只有16个，坐得几舒服。多数客人会先叫一客platter，当中包括5款不同种类嘅生蚝，Kumamoto, US Bald Eagle, Irish Gigas, French Special, Fine De Claire(每款2只)，另2只翡翠螺及2杯白酒-智利Sauvignon 2006。老板Garry会详细介绍食嘅先后次序同埋每款蚝嘅独特口味。除Kumamoto较淡味外，其他几都好特出，肥美清甜十分新鲜，蚝縠内嘅海水系精华所在，海洋味涌上心头。其他菜亦做得非常出色，Caesar salad酱汁略淡反而更觉清新，自家制烟肉碎脆口惹味，面包粒用牛油煎过，诚意之作；蒜茸饱无一般嘅重蒜味，撒上小量芝士才焗，另一番感受；鸭肝野菌意粉必食之选，linguine煮得刚好有咬口，能够将面嘅优点充份表现出来实在难得，鸭肝嘅油脂令到整碟pasta味道提升，香味四溢；Rose Mary烧春鸡很嫩口，肉汁仍然保留，但火喉掌握有待进步，因为差少少未熟。一定要订位，因为当晚有几个walk in客想等都唔得，是关第二轮嘅枱亦已book满。