Pâtisserie Tony Wong

营业中

休息中

Pâtisserie Tony Wong嘅蛋糕不嬲都好出名 咁岩经过紧系入去试试佢😋今次拣咗三款蛋糕🍰同朱古力爆炸雪茄礼盒😛✨芒果椰子蛋糕🍰成件蛋糕都系用新鲜嘅芒果皮包住，有好香浓嘅芒果味，甜度啱啱好！将清香嘅椰子味、香甜嘅芒果慕丝配埋质感松软同蛋味浓郁嘅蛋糕一齐食，超级夹😌✨柚子芝麻蛋糕🍰一食落口就散发出淡淡芝麻香嘅蛋糕，配埋清新嘅柚子软滑忌廉，饼底仲用咗脆脆做底添，入口甜又唔会太腻，口感食落好fresh同好有层次感😆✨朱古力红桑莓蛋糕🍰蛋糕用咗玫瑰花造型真系好吸引呀，一瓣瓣嘅玫瑰做到好精致，感觉好高贵🌹用咗黑朱古力所以一啲都唔甜！而且蛋糕馅里面嘅红桑莓酱果味好突出又唔会好酸！香浓嘅黑朱古力慕丝配红桑莓酱一齐食，又好好食㖞😋✨朱古力爆炸雪茄礼盒唔知大家有冇食过爆炸糖呢？呢只朱古力系独立包装嫁！食个阵有种好浓郁嘅黑朱古力味，饼干食落好脆！最得意嘅系你咬咗几啖之后会感觉到爆炸糖系你口里面炸紧咁😂未试过嘅大家可以试试佢 感觉好特别😝