嘉樂冰廳 (新村街)

营业中

休息中

呢间冰室位于荃湾citywalk附近，同普遍既冰室一样，7点钟就会闩门。今次赶到系闩门前黎食，味黎之前已经听过最出名既火腿奄列。一场黎到又点可以唔试下呢？一行4条友，当然冇可能净食奄列就饱啦，仲叫左猪扒包，炸云吞等等既小食。我觉得个猪扒包都唔差既，猪扒既味道几香，几大件下，分4份黎食，每人都可以分到一部分已经好劲。唯一系个包硬身得滞，可能炸过既关系，一路食一路跌包碎。云吞就炸得岩岩好，够脆但又唔觉得热气，配埋酸辣酱仲好味。好喇，入正题，火腿奄列由于大份既关系，所以制作需时，食哂所有野先黎，不过唔紧要，有得食就得。一望到旧奄列真系O哂咀，平时食开系平既，今次呢个系凸起，有厚度既，用叉吉开，发现入面系实心，有蛋既，唔系空心得个样。虽然食落同普通蛋或奄列冇分别，但志在食个size haha，一份奄列出个人分都仲得，所以唔好贪心叫一人一份，会食死你。除左野食，仲叫左2杯野饮既，系菠萝冰同朱古力两杯都OK既，有冰室既感觉，可以再试，不过就建议4个人食就好，因为个到全部都系4人卡位同较窄，而且4个人已经够share野食 haha。