大家樂 (已結業)

听同事讲话大家乐嘅 POP POP五层脆腩几对办，但我一向对呢啲连锁快餐店嘅烧肉无乜信心，食烧味饭都只会到烧腊饭店购买，不过既然有人做过白老鼠，就即管今日去买嚟试吓。买咗份五层脆烧腩多宝饭包括有脆腩、烧鸡翼、红肠、咸蛋半只 ($29). 听闻话呢啲五层脆腩制作过程绝不马夫，严选肥瘦相间的五花腩，以淮盐、五香粉、玫瑰露等腌制。 咬落去的确非常松化，面𠮶层皮够香脆，跟住嘅脂肪层好甘香，接著的是一层薄薄的嫩肉，再落嚟系软骨层及最后嘅全瘦肉，确系咸淡适中，唯一系脆腩细旧咗啲，不过有蜜味嘅烧鸡翼、红肠等一齐食，都算丰富，如果有净脆腩饭出售就更好了。而家购买仲会奉送一款凉伴小碟，我就选了爽口的千层峰。除咗呢款小食，应该仲有麻酱鸡丝、五香牛、佛山熏蹄、七味照烧鱿鱼咀、凉拌贡菜、香茜茄子等轮流供应，中午想不到吃甚么时，这个也是不错的选择。