爭鮮外帶壽司

营业中

休息中

今日午餐个饭盒分量比较少，所以放学去 同学生补习时觉得有啲肚饿， 四周揾一啲比较健康嘅下午茶， 一个人食唔想食成个大家乐或者大快活𠮶啲下午茶餐， 呢个时候咁啱经过争鲜💕 第一次见到有小蕃薯买😱$12 虽然比起街市贵唔知几多倍，但佢可爱嘅样已经掳掠了我嘅心😻见到佢鲜艳嘅紫色令我口水流个不停， 细细粒圆碌碌胀卜卜好可爱呀😍😍😍一打开个盒盖已经闻到好香嘅番薯味， 系自然嘅香气呀🌱🍠， 好过食烧卖鱼蛋肠仔𠮶啲人工食品。一咬落去甜味涌出嚟， 唔知佢有冇用糖水煮过， 但我谂大部份甜味来自番薯本身， 明显食得出唔系砂糖嘅甜。 仲有质感好棉 好软熟， 有一刻我真系觉得自己喺度食紧番薯蓉， 放入口即溶， 唔驶点样咬， 睇嚟水溶性纤维都几高添， 简直就系下午茶健康之选😎😎😎原来争鲜依家出咗好多其他嘢食， 连椰子批 芝士蓝莓蛋糕 栗子 椰青水都有， 价钱唔系最平，但胜在地点方便又选择多， 质素都算唔令人满意， 下次再试下其他嘢食。