Gomes’ Gastropub (已結業)

Happy Friday梗系要揾间舖头chill下啦，上到去苏豪区间间餐厅都好多人，唔想等唯有继续向上行。俾我哋发现到呢间新开嘅餐厅，开放式感觉几正。入到去见到佢呢一幅酒墙，真系酒鬼见到都兴奋。一坐低佢哋就会摆低个小食脆脆，佢个脆脆带有少少㶶㶶哋嘅香味，几啱送酒。然后呢度职员极力推介佢哋个鸡卷，佢话一定要试吓，包你钟意。嚟到嘅时候又真系几唔错，佢中间包左鸡肉，芝士同埋菜，佢啲芝士仲可以拉丝添㗎，味道其实清清地，又唔会太油腻。不过我觉得惊喜万分嘅反而系呢个羊肉串，佢将羊肉打碎左在变成一条肠仔咁嘅形状，中间已经有好多香料沟埋左，所以成条肉肠都好香香料味。嘢饮方面我就试咗个Gomes cocktail，职员话佢系用冧酒同埋Tequila沟埋，再加少少柠檬汁，就咁听我以为酒精浓度会好高，但系饮落嘅时候味道都系偏甜，好易入口。另外朋友就试咗一杯peach margarita，佢个口感似系用蜜桃打成嘅smoothie ，杯边嘅系糖，所以呢一杯嘅口感亦都系偏甜都系啱女仔饮。