Lost Stars Livehouse Bar & Eatery

营业中

休息中

朋友话lunch经过见到间餐厅好chill，想试下，陪佢试下顺便倾下计，坐低发现都几啱倾计。点左2杯野饮同埋2个小食同1个主食！啲饮品名，令我会好想试，叫左杯mocktail 名叫Happy 既野饮, 佢系有荔枝青瓜同西柚汁，饮落好清新，饮得出系鲜榨果汁嘅口感，唔系人造糖水，唔会得个甜字。另一杯cocktail 系How long will I love you- 比较重莓同酒味，唔会太甜，饮完之后，莓味仲喺个口，饮到底有啲菠萝蓉，口感系smoothies。埃及风沙鸡翼-佢系鸡锤啖啖肉，配有香荽酱汁，钟意芫荽嘅，实会钟意个酱，佢俾咗个碟我哋装骨，好细心，鸡肉外脆内滑，鸡皮炸到几香口，热辣辣好味道。墨西哥蟹肉薄饼-饼底好薄好脆，面头劲多蟹肉，有鲜味，配好薄嘅芝士碎，有少少辣味，配有牛油果酱，食落唔会好Heavy，感觉好light，好钟意呢个，虽然貌似平平无奇，但其实好好味，几特别！照烧比目鱼柳-用沙律衬底碎嘅苹果粒配上干提子同合桃，净系食个沙律都好好味，都多沙律酱，比目鱼煎到香口金黄色，鱼皮好脆身肉质好滑，够大份。