座銀

营业中

休息中

好耐之前见人推介完一直bookmark到去大阪旅行食过一次，真系好好味😋而且大阪系香港半价，所以一直都无太大冲动系香港食。不过近年疫情关系唔知几时先有得再返家乡，唯有过嚟重温下😮‍💨-🍜鸡白汤拉面 $138美食当前，今次无认真摆靓靓打卡随意影左两张相就开吃🤤除咗碗边两块肉仲有炸到又薄又香脆嘅牛蒡丝，糖心蛋就要另+$15不过声称用棵木烟熏都真系食到烟熏味～汤底呈奶白色，口感浓厚，咸度都ok，相信沾面版本对我嚟讲应该会变左过咸。鸡胸肉同叉烧慢煮关系肉质非常嫩滑。面条软硬适中、粗幼亦适中。整体无论系肉类、配料、面条定汤底都做得十分出色，当然私心最爱汤底，真心超级无敌好饮😆另外朋友嘅海鲜鸡拉面其实只系汤底嘅分别，配料系一样，不过佢就觉得咸左啲，我试左啖都系比较钟意鸡白汤🤤-总结：一分钱一分货，偶尔食好啲是必须的。