雪吧餐廳 (已結業)

翻咗工之后，原来真系会想去饮下野，relax下架，所以就趁住系尖沙咀食完饭，就去饮下野。落到去见到有大电视睇波，而且仲有好多部大电视，如果钟意睇波既人去依间bar睇就岩晒呀。除咗大电视之外，佢仲有3部飞镖机可以玩，嚟得bar既，除咗饮野，都会想玩下，所以我都比佢啲飞镖机吸引咗。之后仲见到有一间房有人唱k，我估佢可以比人book房系入面唱k，成大班人有间房系方便啲玩，而且仲有啲私隐度添。我同男朋友2个人就想坐系度，静静地咁倾下计，依度个环境都几好，佢有播background music，但系又吾会太大声，所以都几岩我地倾计。我地叫咗2杯cocktail，一杯系La Negie，依个几得意，系放系个灯座上面，个杯仲有羽毛，好岩我影相。味道就好似奶茶咁，但系有酒味。另一杯叫Lost in forest，比佢个名吸引咗，但个感觉真系几清新，同埋杯野系绿色都几治愈。最后我地都抵挡吾住，叫咗杯Whisky，Macallan Sherry Oak，饮完落口之后，仲有whisky既酒味系个口度。