馬場洞烤肉專門店 (形點 I) (已結業)

寻日11月24号去食lunch, 门口哥哥态度OK，但一坐低就后悔！另一哥哥带黑色口罩好快咁放低张枱号QRcode 讲咗一段嘢，感觉仲衰过响大排档，讲嘢快到唔知佢讲乜，纯粹估计系话QRcode 落单。之后漏咗一个好耐都未到，同佢讲，佢只系望一望我就行去厨房出餐口，跟住就攞个石头锅饭过嚟，但系绝唔系我order 嘅嘢！我同佢讲呢个唔系我叫嘅烧牛肉饭㖞，佢好肯定话系，咁啱我亚妈系食紧个石头锅饭，咁我问我亚妈𠮶个系乜，之后佢行开再行过嚟就话出错咗，跟住态度好似黑社会咁问＂咁呢个你要唔要？问我两次，一啲都唔觉有唔好意思，仲要好似想迫我要咁！其实出错冇问题嘅，但你响到做，唔会唔知石头锅饭同烧牛肉饭嘅分别，仲要死撑，都唔紧要，仲要唔觉自己有错咁问想迫我要！讲真，食物味道系正常，但service 真系差得很！一定唔会再去，仲会叫身边嘅人唔好去！可以有更多选择！