Bistro NTT by Attic

营业中

休息中

嚟到浸大除咗返学之外仲可以揾食，因为系正浸大旁边就有间意大利餐厅，唔难揾而且港铁行过嚟都唔算好远，最紧要系抵食夹大件加好味道🤤。是日餐汤佢哋嘅餐汤卖相除咗靓之外味道亦有返咁上下，忌廉味够晒浓郁，口感够滑。63°C 温泉蛋配松露忌廉炒杂菌周围系松露忌廉炒杂菌，然后中间放上大大只温泉蛋，杂菌沾上蛋汁后口感变得好香滑，仲有阵阵松露香加上香口惹味炒嘅杂菌，作为前菜十分出色。粗切薯条配松露蛋黄薯条嚟讲粗切真系好味好多，炸得啱啱好够脆够香口，酱汁有松露蛋黄酱同埋茄汁、可以视自己口味选择。黑松露大啡菇杂菌手打意粉食材除咗意粉外全由菌类组成，有黑松露增强整体香气，大啡菇令口感大幅提升，仲有杂菌丰富整体层次，意粉本身亦做得好挂汁，味道唔错。香烤西班牙伊比利亚黑毛猪肉，黑醋砵酒烩梨，醋渍青提子，烤得好香好juicy嘅黑毛猪，最钟意佢带有少少焦香味，酱汁甜甜酸酸咁令人越食越开胃，旁边嘅配菜亦十分出色，青提子香甜爽脆，烩梨除香甜外带微酸，薯蓉同大葱亦煮得好好味。