影片
更多
2021-03-23
819 浏览
Staycation 包set dinner, 可以拣中菜又或者意大利餐, 之前食过Theo印象不错, 今次重游旧地。Set dinner三道菜: 前菜,主菜,甜品前菜选择汤或者沙律，主菜选择羊鞍或者大虾，甜品可以选择Tiramisu 又或者柠檬挞。两个人一齐去, 梗系试晒所有嘢食啦!餐前包包有我最念念不忘嘅芝麻棒, 虽然食到成枱都系芝麻粒但系真系好好食。海鲜忌廉汤配蟹肉云吞：所谓海鲜汤其实系龙虾汤，个汤好香甜好Creamy，入口龙虾嘅鲜味久久不散，可惜云吞只有一粒，而汤嘅鲜味盖过蟹肉味。蕃茄配水牛芝士火箭菜沙律：菜好新鲜，水牛芝士是一粒粒的，成粒放入口爆开芝士味散出来，为平淡嘅沙律添上一道惊喜。羊鞍五成熟：入口满口羊膻味，肉质嫩滑，配埋薯蓉中和一下羊味，成个主菜食落冇咁油腻。大虾：和羊鞍相比下，大虾失色很多。首先虾只有两只，配菜亦很少，就算食量细应该都不会饱。烧大虾剥咗壳之后冇乜味道，所以一定要点酱，点左酱嘅虾好好味，所以其实系啲酱好味。自家制柠檬挞：今晚的柠檬挞实在令人很惊喜，虽然重游旧地，印象中柠檬挞不是非常好吃，今晚柠檬挞完全推翻我以前的印象。柠檬的酸味和甜味拿捏得非常之好，入
Set dinner三道菜: 前菜,主菜,甜品
前菜选择汤或者沙律，主菜选择羊鞍或者大虾，甜品可以选择Tiramisu 又或者柠檬挞。
两个人一齐去, 梗系试晒所有嘢食啦!
餐前包包有我最念念不忘嘅芝麻棒, 虽然食到成枱都系芝麻粒但系真系好好食。
海鲜忌廉汤配蟹肉云吞：所谓海鲜汤其实系龙虾汤，个汤好香甜好Creamy，入口龙虾嘅鲜味久久不散，可惜云吞只有一粒，而汤嘅鲜味盖过蟹肉味。
蕃茄配水牛芝士火箭菜沙律：菜好新鲜，水牛芝士是一粒粒的，成粒放入口爆开芝士味散出来，为平淡嘅沙律添上一道惊喜。
羊鞍五成熟：入口满口羊膻味，肉质嫩滑，配埋薯蓉中和一下羊味，成个主菜食落冇咁油腻。
大虾：和羊鞍相比下，大虾失色很多。首先虾只有两只，配菜亦很少，就算食量细应该都不会饱。烧大虾剥咗壳之后冇乜味道，所以一定要点酱，点左酱嘅虾好好味，所以其实系啲酱好味。
自家制柠檬挞：今晚的柠檬挞实在令人很惊喜，虽然重游旧地，印象中柠檬挞不是非常好吃，今晚柠檬挞完全推翻我以前的印象。柠檬的酸味和甜味拿捏得非常之好，入口即溶的感觉更令人惊喜，口感不像蛋糕那般实净，软糯香滑的感觉，齿颊留香。
招牌意大利芝士布甸：招牌甜品果然没令人失望，但相对来说柠檬挞更值得一试。
唯一美中不足的是SetDinner并不包饮品。
张贴